The news is by your side.

Advertisement

طیارے میں فنی خرابی : بیجنگ ایئر پورٹ پر پی آئی اے کے مسافر پریشانی کا شکار

کراچی : پی آئی اے کی پرواز پی کے852 طیارے میں فنی خرابی کے باعث گزشتہ سولہ گھنٹے سے چین میں موجود ہے، مذکورہ پرواز کل دوپہر روانہ ہوگی۔

تفصیلات کے مطابق اسلام آباد سے بیجنگ پہنچنے والی پی آئی اے کی پرواز پی کے852  میں فنی خرابی16گھنٹے گزرنے کے باوجود دور نہ ہوسکی، مذکورہ پرواز کو بیجنگ سے ٹوکیو جانا تھا۔

اس حوالے سے ترجمان پی آئی اے نےکہا ہے کہ طیارے کے اے پی یو میں فنی خرابی کے باعث پرواز تاخیر کا شکار ہوئی، تمام مسافروں کو ہوٹل منتقل کردیا گیا ہے۔

ترجمان کا مزیدکہنا ہے کہ طیارہ ٹھیک ہوتے ہی پرواز اب کل دوپہر دو بجے پاکستانی وقت کے مطابق روانہ ہو گی، طیارے کو واپس ٹوکیو سے بیجنگ اور بیجنگ سے اسلام آباد آنا ہے ۔

ترجمان پی آئی اے کے مطابق بیجنگ اور ٹوکیو میں پی آئی اے کا عملہ مسافروں سے رابطہ میں ہے اور ان کی دیکھ بھال کر رہا ہے۔ ترجمان پی آئی اے کا مزید کہنا ہے کہ فنی خرابی کی وجہ سے پرواز میں تاخیر پر ادارہ مسافروں سے معذرت خواہ ہے۔

Comments

comments

یہ بھی پڑھیں