ملتان: قومی انٹرنیشنل ائیرلائن (پی آئی اے) کی عازمین کو لے جانے والی پرواز اچانک منسوخ ہوگئی ہے۔
میڈیا رپورٹ کے مطابق پی آئی اے انتظامیہ نے ملتان سے جدہ جانیوالی پروازپی کے739 کو اچانک منسوخ کردیا ہے، اور عازمین کو ملتان ائیرپورٹ کی بجائے اپنےخرچ پر لاہور پہنچنے کی ہدایت کردی ہے جبکہ طعام و قیام کا بندوبست بھی خود کرنے کا کہا ہے۔
پی آئی اے نے عازمین کو ملتان سے لاہور سفری اخراجات ادا کرنے کی بجائے ٹکٹ مہنگا کردیا ہے۔
عازمین کا کہنا ہے کہ پی آئی اے نے حکومت کی جانب سے اعلان کردہ کرائے سے کہیں زیادہ مہنگی ٹکٹ فروخت کی گئی ہے، حکومت نے زیادہ سے زیادہ کرایہ 2 لاکھ 20 روپے مقرر کیا تھا، جبکہ پی آئی اے نے عازمین کو ٹکٹ 2 لاکھ 53 ہزار میں فروخت کیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں