The news is by your side.

Advertisement

پی آئی اے کے طیارے میں فنی خرابی، مسافر ٹورنٹو ایئر پورٹ پر پھنس گئے

کراچی : ٹورنٹو سے کراچی آنے والی پی آئی اے کی پرواز فنی خرابی کے باعث روانہ نہ ہوسکی، بوئنگ777 طیارے کی فنی خرابی کئی گھنٹے بعد بھی دور نہ کی جاسکی, مسافر ٹرنٹو ایئرپورٹ پر پھنس گئے۔

تفصیلات کے مطابق ٹورنٹو سے کراچی آنے والی پی آئی اے کی پرواز پی کے 784 کے بوئنگ 777 طیارے کی فنی خرابی کئی گھنٹے گزرنے کے باوجود دور نہ ہوسکی، طیارے کے پرزہ جات نہ ہونے کی وجہ سے فنی خرابی دور نہ ہوسکی، ٹورنٹو ائیرپورٹ بوئنگ 777طیارہ بدستور گراؤنڈ ہے۔

اس حوالے سے ذرائع کا کہنا ہے کہ طیارے کے پارٹس کل پاکستان سے کینیڈا کے لئے روانہ کئے جائیں گے، اب تک پرواز کی روانگی میں 24 گھنٹے سے زائد تاخیر ہوچکی ہے اور مزید 24 گھنٹے کی تاخیر ہوسکتی ہے۔

یاد رہے کہ پرواز کینیڈین وقت کے مطابق کل بروز اتوار کی دوپہر 3 بجے کراچی کیلئے روانہ ہوئی تھی، ٹیک آف پوائنٹ پر اچانک طیارے میں خرابی پیدا ہوگئی تھی طیارے کو واپس جیٹی پر پارک کر نا پڑا تھا۔

پرواز کی روانگی میں تاخیر کے باعث مسافروں نے احتجاج کرنا شروع کردیا تھا جس کے بعد پی آئی اے انتظامیہ کی جا نب سے مسافروں کو ہوٹل منتقل کردیا گیا تھا اور بعض مقامی مسافروں کو ریٹرن ٹیکسی کے کرائے فی کس 200 ڈالر بھی ادا کئے۔

ذرائع کا کہنا ہے کہ پی آئی اے کے طیارے میں فنی خرابی کی باعث ادارے کو کروڑوں روپے کے نقصان کا سامنا ہے،300 سے زائد مسافروں کو فی کس ہوٹل کا کرایہ 200 ڈالر سے زائد پی آئی اے کو ادا کرنا پڑے
پرواز کینیڈین وقت کے مطابق منگل کی شام کراچی کیلئے روانگی متوقع ہے۔

Comments

comments

یہ بھی پڑھیں