کراچی : اسلام آباد سے کراچی آنے والے پی آئی اے کے طیارہ کے اچانک نوزویل کے بریک جام ہوگئے، جس سے مسافروں کو پریشانی کا سامنا کرنا پڑا۔
تفصیلات کے مطابق اسلام آباد سے کراچی آنے والی پی آئی اے کی پرواز PK-309 میں فنی خرابی پیدا ہوگئی۔
ایئرپورٹ ذرائع نے بتایا کہ طیارہ اڑان بھرنے کے لیے رن وے پر تھا کہ نوزویل کے بریک جام ہوگئے، جس پر کپتان نے فوری کنٹرول ٹاور سے رابطہ کرکے طیارے کو واپس پارکنگ اور بورڈنگ برج پر لے آیا۔
مسافروں کو جہاز سے اتار کر لاونج میں منتقل کر دیا گیا اور انجینئرز کی ٹیم کو طلب کر لیا گیا۔
طیارے کی روانگی میں تقریباً چار گھنٹے کی تاخیر کے باعث مسافروں نے ایئرپورٹ پر احتجاج بھی کیا۔
پی آئی اے ترجمان کے مطابق ایئربس 320 ساختہ طیارے کی مرمت کا کام جاری ہے اور طیارہ کلیئر ہونے کے بعد کراچی کے لیے روانہ کر دیا جائے گا۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں