پی آئی اے کا فلائٹ آپریشن تاخیرکا شکار، مسافر سراپا احتجاج، شدید نعرے بازی -
The news is by your side.

Advertisement

پی آئی اے کا فلائٹ آپریشن تاخیرکا شکار، مسافر سراپا احتجاج، شدید نعرے بازی

کراچی : پی آئی اے کا فضائی آپریشن شدید بدنظمی کا شکار ہوگیا، کراچی سے اسلام آباد جانے والی پرواز3گھنٹے جبکہ ٹورنٹو کی پرواز بارہ گھنٹے تاخیر سے روانہ ہوئی۔

تفصیلات کے مطابق باکمال لوگ لاجواب سروس کے دعویدار ادارے پی آئی اے کا ایک اور کارنامہ سامنے آگیا، کراچی سے اسلام آباد جانے والی پی آئی اے کی پرواز پی کے308تین گھنٹے سے زائد تاخیر کا شکار رہی۔

کراچی سے لاہور جانے والی پرواز پی کے306شام سات بجے کے بجائے رات آٹھ بجے روانگی متوقع ہے، اس کے علاوہ کوالالمپور سے کراچی آنے والی پرواز بیس گھنٹے سے زائد تاخیر کا شکار ہے۔

کراچی سے ٹورنٹو جانیوالی پرواز پی کے783بارہ گھنٹے گزرنے کے باوجود روانہ نہ ہوسکی، طیارہ کی صبح ساڑھے 3 بجے روانگی متوقع ہے، پروازوں کی روانگی میں تاخیر پر ایئرپورٹ پر مسافروں نے احتجاج کیا اور انتظامیہ کیخلاف شدید نعرے بازی کی۔

علاوہ ازیں پیرس سے آنے والی پرواز پی کے750تین دن بعد بھی روانہ نہ ہوسکی، متبادل طیارہ نہ ہونے سے400مسافر3دن سے پیرس میں پھنسے ہوئے ہیں، پی آئی اے کو مسافروں کی ہوٹلنگ پر لاکھوں روپے نقصان کا سامنا کرنا پڑرہا ہے۔

دوسری جانب ایئرپورٹ ذرائع کا کہنا ہے کہ پی آئی اے کے بوئنگ777طیارے میں خرابی ہونے کی وجہ سے آپریشن متاثر ہورہا ہے۔

Comments

comments

یہ بھی پڑھیں