The news is by your side.

Advertisement

محکمہ انجینئرنگ کی غفلت اور لاپرواہی، پی آئی اے کا فضائی آپریشن شدید بدنظمی کا شکار

پی آئی اے کے محکمہ انجینئرنگ کی غفلت اور لاپرواہی کے باعث فضائی آپریشن شدید بدنظمی کا شکار ہوگیا۔ اندرون و بیرون ملک جانے والی 22 سے زائد پروازیں متاثر ہوگئیں۔

تفصیلات کے مطابق ذرائع کے مطابق بوئنگ 777 طیارے گراؤنڈ ہونے کی وجہ سے پروازیں متاثر ہورہی ہیں۔ لاہور اسلام آباد پی کے 8386 ایک گھنٹہ، اسلام آباد جدہ پی کے 7683 ڈیڑھ گھنٹہ، جدہ کراچی پی کے 7684 سوا گھنٹہ، کوئٹہ اسلام آباد پی کے 352 دو گھنٹے تاخیر کا شکار ہوگئی۔

اسلام آباد کوپن ہیگن پی کے 771 ایک گھنٹہ، ابو ظہبی لاہور پی کے 296 دو گھنٹے، لاہور دمام پی کے 247 چھ گھنٹے تاخیر کا شکار ہوگئی۔ پرواز کی روانگی کا مقررہ وقت رات 12 بجے تھا لیکن پرواز صبح سوا 6 بجے روانہ ہوسکی۔ پرواز کی تاخیر پر مسافروں نے لاہور ایئرپورٹ پر احتجاج کیا۔

کراچی کوئٹہ پی کے 352 سوا دو گھنٹے تاخیر کا شکار ہوئی۔ پروازکی روانگی کا مقررہ وقت صبح 8 بجے تھا لیکن روانگی سوا 10 بجے کے بعد ہوئی۔ لاہور دہلی پی کے 270 تین گھنٹے تاخیر کا شکار ہوئی۔ پروازکی روانگی کا مقررہ وقت دن بارہ بجے تھا لیکن روانگی اب سہ پہر 3 بجے کے بعد متوقع ہے۔

دمام لاہور پی کے 248 پانچ گھنٹے، کوئٹہ کراچی پی کے 363 ساڑھے تین گھنٹے، کراچی اسلام آباد پی کے 368 ڈھائی گھنٹے تاخیر کا شکار ہے۔ اسلام آباد کوئٹہ پی کے 363 کو چار گھنٹے کی تاخیر ہوئی۔ پرواز کی کوئٹہ روانگی کا مقررہ وقت صبح 11 بجے تھا۔ پرواز کی روانگی اب سہ پہر3 بجے متوقع ہے۔

Comments

comments

یہ بھی پڑھیں