The news is by your side.

Advertisement

کراچی : پی آئی اے کی آسٹریلیا جانے والی پہلی پرواز مؤخر

کراچی : پی آئی اے حکام نے پاکستان سے براہ راست جانے والی پی آئی اے کی پہلی پرواز کو روک لیا ہے، جس کی وجہ سیکیورٹی صورتحال بتایا جارہا ہے۔

تفصیلات کے مطابق پی آئی اے کی پہلی ڈائریکٹ پرواز آسٹریلوی سول ایوایشن کی اجازت سے22 اپریل کو لاہور سے سڈنی روانہ ہونا تھی۔

تاہم آخری وقت میں آسٹریلوی وزارت داخلہ کی جانب سے لاہور اور کراچی ائیرپورٹ کی سیکیورٹی صورتحال کا ازسرنو جائزہ لینے کا فیصلہ کیا گیا۔ بعد ازاں آسٹریلوی وزارت داخلہ کی جانب سے پی آئی اے کو پرواز مؤخر کرنے کی ہدایات دی گئیں۔

اس حوالے سے ترجمان پی آئی اے کا کہنا ہے کہ پی آئی اے جائزہ مکمل ہونے تک اپنی پہلی دو پروازیں مؤخر کررہا ہے ۔

ترجمان پی آئی اے کا کہنا ہے کہ یہ فیصلہ پاکستانی سیکیورٹی صورتحال اور ائیرپورٹس کے نظام کا ازسرنو جائزہ لینے کے تناظر میں کیا گیا ہے۔

ترجمان کے مطابق پی آئی اے انتظامیہ اور پاکستانی سفارت خانہ آسٹریلوی حکام سے مکمل رابطہ میں ہے اور مکمل تعاون فراہم کررہا ہے۔ پہلی دو پروازوں کے مسافروں کو کال سینٹر کے ذریعے سے مطلع کیا جارہا ہے۔

Comments

یہ بھی پڑھیں