تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

پی آئی اے نے برطانیہ کے لیے پروازوں کا شیڈول تیار کر لیا

کراچی: برطانیہ کی جانب سے پاکستان کو ریڈ لسٹ سے نکالنے کے بعد قومی ایئر لائن (پی آئی اے) نے برطانیہ کے لیے پروازوں کا شیڈول تیار کر لیا ہے۔

تفصیلات کے مطابق پاکستان انٹرنیشنل ایئر لائن نے برطانیہ کے لیے 22 ستمبر سے 30 اکتوبر تک 32 فلائٹس شیڈول کر لی ہیں، یہ شیڈول پاکستان کے ریڈ لسٹ سے نکلنے کے بعد تیار کیا گیا ہے۔

پی آئی اے کے مطابق برطانیہ کے لیے یہ پروازیں اسلام آباد اور لاہور سے چلائی جائیں گی۔

22 سے 29 ستمبر کے دوران پی آئی اے کی برطانیہ کے لیے 7 پروازوں کا پلان تیار کیا گیا ہے، جب کہ اکتوبر میں پی آئی اے نے برطانیہ کے لیے 25 پروازوں کا شیڈول فائنل کیا ہے۔

برطانیہ نے پاکستان کو ریڈ لسٹ‌ سے نکال دیا

یاد رہے کہ قومی ایئر لائن کے سی ای او ارشد ملک نے برطانیہ کے لیے انتظامات کی ہدایت کی تھی۔

واضح رہے کہ گزشتہ روز برطانوی حکومت نے ٹریفک لائٹ سسٹم میں تبدیلی کرتے ہوئے پاکستان کو ریڈ لسٹ سے نکالنے کا اعلان کیا تھا۔

کرونا کی صورت حال کو مدنظر رکھتے ہوئے برطانیہ نے پاکستان سمیت 8 ممالک کو ریڈ لسٹ سے نکالا تھا، اس فیصلے کا اطلاق 22 ستمبر سے ہوگا۔

برطانوی حکومت نے ٹریفک لائٹ سسٹم کو ریڈ، امبر اور گرین لسٹ کی جگہ ریڈ اور رولسٹ سے تبدیل کرنے کا بھی اعلان کیا، جس کے مطابق پاکستان کا نام رو لسٹ میں ہے۔ رولسٹ میں شامل ممالک سے برطانیہ جانے والوں کو ہوٹل میں 10 روزہ قرنطینہ کی ضرورت نہیں ہوگی۔

Comments

- Advertisement -
محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں