The news is by your side.

Advertisement

پی آئی اے کے چار اہم ترین لیپ ٹاپ چوری

کراچی: پی آئی اے ہیڈ آفس سےشعبہ فنانس کے چارانتہائی اہمیت کے حامل لیپ ٹاپ چوری ہوگئے‘ یہ لیپ ٹاپ ڈپٹی جنرل منیجر اکاؤنٹنگ ، انجینئرنگ فنانس اور آڈٹ ڈپارٹمنٹ سے چوری کیے گئے ۔

تفصیلات کے مطابق ایک ہی روز میں پی آئی اے کےفنانس ڈیپارٹمنٹ سے چار اہم ترین ڈیٹا کے حامل لیپ ٹاپ چوری کرلیے گئے‘ سی سی ٹی وی کیمروں سمیت ادارے کے تمام تر سیکیورٹی انتظامات دھرے کے دھرے رہ گئے۔

ذرائع کا کہنا ہے کہ دو لیپ ٹاپ ڈپٹی جنرل منیجر اکاؤنٹنگ تنویربنگش کے دفترسے چوری ہوئے جبکہ نامعلوم چورانجینئرنگ فنانس اورآڈٹ ڈپارٹمنٹ کا لیپ ٹاپ بھی لے اڑے۔

ڈپٹی جنرل منیجراکاؤنٹنگ تنویربنگش نے حکام کو آگاہ کر دیا ہے‘ پی آئی اے سیکیورٹی ایک ہفتہ گذرجانے کے بعد بھی لیپ ٹاپ برآمد نہ کرا سکی ہے۔ کہا جارہاہے کہ پی آئی اے کے اہم ترین شعبہ جات کے حساس ڈیٹا کے حامل یہ لیپ ٹاپ ملی بھگت سے چرائے گئے ہیں۔

چوری ہوجانے والے لیپ ٹاپس میں سب سے اہم اہم ترین لیپ ٹاپ آڈٹ ڈپارٹمنٹ کا تھا ، جس میں حساس نوعیت کا ریکارڈ موجود تھا جبکہ ایک لیپ ٹاپ میں شعبہ فنانس کااہم ریکارڈ موجود تھا۔

انتظامیہ کا کہنا ہے کہ ہیڈ آفس سے ڈیوٹی اوقات ختم ہونے کے بعد چوری کی واردات ہوئی ہے۔سکیورٹی اورشعبہ ورکس کےملازمین کو شامل تفتیش کیا جائےگا۔

پی آئی اے کے ترجمان مشہور تاجور نے اپنی نوعیت کے اس انوکھی چوری کے واقعے کی تصدیق کرتے ہوئے کہا ہے کہ تحقیقات جاری ہیں ، جلد چوروں کا سراغ لگالیں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں