کراچی : پی آئی اے کے جنرل منیجر فلائٹ سروسز نے فضائی میزبانوں کی ڈریسنگ پر اعتراض کرتے ہوئے کہا اپنی ڈریسنگ بہتر کریں ورنہ کارروائی ہوگی۔
تفصیلات کے مطابق پی آئی اے کے جنرل منیجر فلائٹ سروسز نے فضائی میزبانوں کی ڈریسنگ پر انوکھا اعتراض اٹھا دیا۔
جی ایم فلائٹ سروسز کا کہنا تھا کہ دفاترآنے،ہوٹلزمیں قیام اورانٹراسٹی سفرکے دوران فضائی میزبانوں کے ملبوسات سے متعلق شکایتیں ملی ہیں۔
انھوں نے کہا کہ بہتر ملبوسات استعمال نہ کرنے سے ایئرلائن کا تاثرخراب ہورہا ہے، گرومنگ انسٹرکٹرز اور سینئر شفٹ انچارجزکی جانب سے پی آئی اے فضائی میزبانوں کے لباس کی لازمی مانیٹرنگ کی جائے۔
خلاف ورزی پرجی ایم فلائٹ سروسزعامر بشیرنے سخت ایکشن کا عندیہ دے دیا ہے۔
Comments
- Advertisement -
