The news is by your side.

Advertisement

عید کے موقع پر پی آئی اے کا مسافروں کو بڑا تحفہ

کراچی : قومی ائیر لائن پی آئی اے نے اعلان کیا ہے کہ عید الفطر کے موقع پر اندرون ملک چلنے والی تمام پروازوں میں مسافروں کے سامان کے وزن کی حد میں اضافہ کردیا۔

تفصیلات کے مطابق عید کی خوشیوں کو دوبالا کرنے کیلئے پی آئی اے کی جانب سے مسافروں کیلئے تحفہ دینے کا اعلان کیا ہے، پی آئی اے نے اپنی تمام اندرون ملک پروازوں پر سامان کی حد 20 کلو فی مسافر سے بڑھا کر 35 کلو کردی گئی ہے۔

اس حوالے سے پی آئی اے کے سی ای او ائیر مارشل ارشد ملک کا کہنا ہے کہ مسافر عید کی چھٹیوں کے لئے زیادہ سامان لے جاسکیں گے، زیادہ سامان لے جانے کی حد بڑھانا ہم وطنوں کی عید کی خوشیوں میں اضافہ اور پی آئی اے کی طرف سے تحفہ ہے۔

ائیر مارشل ارشد ملک نے دعا کی کہ عید الفطر کے موقع پر اللہ تبارک تعالی سے دعا ہے کہ پاکستان پر وہ اپنا خصوصی رحم و کرم کرے۔

مزید پڑھیں : ڈاکٹرز اور پیرا میڈیکل اسٹاف کیلئے پی آئی اے کی پروازوں پر خصوصی رعایت

واضح رہے کہ اس سے قبل پی آئی اے کی جانب سے کرونا وائرس کیخلاف فرنٹ لائن پر لڑنے والے پیرا میڈیکل اسٹاف کیلئے عید کے دنوں میں کرایوں میں دس فیصد کمی کا اعلان بھی کیا ہے۔

Comments

یہ بھی پڑھیں