pia-hajj-operation پی آئی اے حج آپریشن: بزرگ عازمین کیلئے بزنس کلاس سیٹیں مختص
The news is by your side.

Advertisement

پی آئی اے حج آپریشن: بزرگ عازمین کیلئے بزنس کلاس سیٹیں مختص

کراچی : پی آئی اے کی حج فلائیٹس کی فرسٹ کلاس اور بزنس کلاس سیٹوں کے اجراء میں پہلی مرتبہ صوابدیدی اختیارات کا خاتمہ کردیا گیا، مذکورہ سیٹیں صرف معمر عازمین حج کیلئے مخصوص کی جائیں گی۔

تفصیلات کے مطابق مشیرہوابازی سردارمہتاب احمد خان کی زیرصدارت ہیڈ آفس میں حج فلائیٹس آپریشن کے انتظامات کے سلسلے میں اعلیٰ سطح اجلاس منعقد ہوا۔

اجلاس سے خطاب کرتے ہوئے سردار مہتاب خان نے ہدایت کی کہ حج پروازوں میں فرسٹ کلاس اور بزنس کلاس کی سیٹیں صرف بزرگ حجاج کرام کیلئے ہی مخصوص کی جائیں۔

انہوں نے کہا کہ باراثرافراد کی بجائے اب معمر عازمین ہی کسی اضافی وصولی کے بغیر ان اعلیٰ سہولیات سے استفادہ کرسکیں گے۔

مشیر ہوابازی نے افسران کو ہدایات دیتے ہوئے کہا کہ بزرگ حجاج کو فرسٹ اور بزنس کلاس سیٹوں کی بکنگ میں کسی بھی دباؤ یا اثر کو خاطر میں نہ لایا جائے۔

سردار مہتاب نے کہا کہ حجاج کرام کی خدمت پیشہ ورانہ ذمہ داری کے ساتھ ایک عظیم سعادت بھی ہے، عازمین حج کی رہنمائی اور شکایات کے ازالہ کے لئے ہیلپ لائن کو مؤثر بنایا جائے اور تمام ائرپورٹس پر ہیلپ لائنز میں 24 گھنٹے مستعد عملہ تعینات کیا جائے۔

Comments

comments

یہ بھی پڑھیں