پی آئی اے حج آپریشن : حجاج کرام کی وطن واپسی کا عمل آج سے شروع ہوگا -
The news is by your side.

Advertisement

پی آئی اے حج آپریشن : حجاج کرام کی وطن واپسی کا عمل آج سے شروع ہوگا

کراچی : حجاج کرام کی وطن واپسی آج سے ہوگی، اس حوالے سے پی آئی اے سمیت دیگر نجی ایئرلائنز اپنا بعد از حج آپریشن آج سے شروع کر رہی ہیں۔

تفصیلات کے مطابق پی آئی اے کا بعد از حج آپریشن کا آٖغاز27 اگست آج بروز پیرسے ہوگا، حجاج کرام کی وطن واپسی25 ستمبر تک مکمل کرلی جائے گی۔ سول ایوی ایشن نے بھی تیاریاں مکمل کرلیں۔

پی آئی اے ترجمان کا کہنا ہے کہ پہلی حج پروازیں پی کے3006کراچی اور پی کے3002اسلام آباد پہنچیں گی جن کے ذریعے سات سو سے زائد حجاج کرام وطن واپس پہنچیں گے۔

لاہور کے لئے پہلی حج پرواز منگل کی صبح7بجے لاہورکے علامہ اقبال انٹر نیشنل ایئرپورٹ پہنچیں گی، کراچی کیلئے پہلی حج پرواز پی کے3006کو پی آئی اے کے چیف فلائٹ آپریشن آفیسر کیپٹن عذیر خان آپریٹ کریں گے جو کہ بعد از حج آپریشن کی نگرانی کے فرائض انجام دے رہے ہیں۔

پی آئی اے ترجمان کے مطابق بعد از حج آپریشن کے دوران جدہ اور مدینہ سے 225خصوصی اور شیڈول پروازیں چلائے گی، پی آئی اے کے صدر اور چیف ایگزیکٹو آفیسر مشرف رسول سیاں نے پی آئی اے حج ٹیم کے ارکان کو بعد از حج آپریشن کے دوران وطن واپس آنے والے حجاج کو ہر ممکن سہولیات فراہم کرنے کی ہدایات کی ہیں۔

دوسری جانب جدہ اور مدینہ کے حج ٹرمینل پر پی آئی اے انتظامیہ نے خصوصی کاؤنٹرز قائم کیے ہیں تاکہ حجاج کرام کو وطن واپسی کے حوالے سے کسی دشواری کاسامنا کرنا نہ پڑے۔ پی آئی اے68ہزار سے زائد حجاج کرام کو اسلام آباد لاہور،کراچی ،پشاور، سیالکوٹ ، ملتان اور فیصل آباد پہنچائے گی، بعد از حج آپریشن کا اختتام25ستمبر کو ہوگا۔

Comments

comments

یہ بھی پڑھیں