The news is by your side.

Advertisement

پی آئی اے کا حج آپریشن 17اگست سے شروع ہوگا، چیئرمین پی آئی اے

کراچی : چیئرمین پی آئی اے ناصر جعفر کا کہنا ہے کہ پی آئی اے کا حج آپریشن سترہ اگست سے شروع ہوگا۔

حج آپریشن سات بڑے شہروں سے پروازیں آپریٹ کی جائیں گی حج آپریشن کے دوران 155پروازوں کے ذریعے 55ہزار سے زائد عازمین کو حجاز مقدس پہنچا یاجائے گا، اے آروائی نیوز سے گفتگو کرتے ہوئے چیئرمین پی آئی اے ناصر جعفر کا کہنا تھا کہ سعودی ایوی ایشن کی جانب سے پی آئی اے کو حج آپریشن کے دوران ہر ممکن سہولت فراہم کرنے کی یقین دہانی کرائی ہے۔

حج آپریشن میں بوئنگ777،ایئر بس330اور 310طیارے استعمال کئے جائیں گے، پہلی حج پرواز 17اگست کو صبح 5بجکر35منٹ پر پی کے6003کے ذریعے لاہور سے 328سے زائد عازمین کولیکر جدہ روانہ ہوگی جبکہ دوسری پرواز پشاور سے صبح9بجکر5منٹ پر پی کے6005کے ذریعے328 جبکہ تیسری حج پرواز 17اگست کو پی کے6009کے ذریعے کراچی سے 370سے زائد عازمین کودوپہر 3بجکر30منٹ پر جدہ روانہ ہوگی۔

چوتھی حج پرواز 17اگست کو پی کے6001کے ذریعے اسلام آباد سے 300سے زائد عازمین کو شام 7بجکر35منٹ پر جدہ روانہ ہوگی،عازمین کی سہولت کیلئے تمام تر انتظامات مکمل کرلئے گئے ہیں۔

 

Comments

comments

یہ بھی پڑھیں