پی آئی اے نے انٹرنیشنل پروازوں کے کرایوں میں کمی کر دی

مسافروں کے لیے خوشخبری ہے کہ پی آئی اے نے کرایوں میں کمی کا اعلان کر دیا۔

پٹرولیم مصنوعات کی قیمتوں میں کمی کے حکومتی اقدامات کے سلسلے میں پی آئی اے نے بین الاقوامی سیکٹرز پر کرایوں میں کمی کر دی۔

وزیر ہوابازی خواجہ سعد رفیق کی خصوصی ہدایات پر پی آئی اے نے اندرون ملک کرایوں میں نمایاں کمی کے بعد بین القوامی روٹس پر بھی کرایوں میں کمی کر دی۔

٭ پی آئی اے نے کینیڈا کی پروازوں پر 8 فیصد کمی
٭ گلف اور متحدہ امارات کے روٹس پر 15 فیصد کی نمایاں کمی
٭ سعودی عرب کے روٹ پر کرایوں میں 10 فیصد کمی

ترجمان پی آئی اے کا کہنا ہے کہ اعلان کردہ کرایوں میں کمی کا اطلاق فوری طور پر ہو گا۔

Comments