site
stats
بزنس

پی آئی اے میں پانچ ارب کی لاگت سے جدید سہولیات متعارف

PIA ATR

کراچی: پی آئی اے کے بوئنگ 777 طیاروں میں5 ارب کی لاگت سےجدید سہولیات کی فراہمی کا فیصلہ کرلیا گیا۔ پانچ طیاروں کی بزنس کلاس میں نئی فلیٹ بیڈ نشستیں،اکانومی کلاس میں بھی جدید نشستوں نصب کی جائیں گی۔

تفصیلات کے مطابق ای سی سی کی جانب سے پی آئی اے کو دی جانے والی پانچ ارب رقم سے قومی ائیر لائن کو جدید سہولیات سے روشناس کرایا جارہا ہے جس میں جدید نشستوں کی تنصیب اور انٹرٹینمنٹ سسٹم شامل ہے۔

pia-2

ذرائع کا کہنا ہے کہ طیاروں کی بزنس اور اکانومی کلاس میں لائیو ٹی وی اور انٹرنیٹ کی سہولیات بھی فراہم کی جائیں گی۔ طیاروں میں نصب کی جانے والی نئی نشستوں میں جدید ترین ان فلائٹ انٹرٹینمنٹ سسٹم بھی فراہم کیا جائے گا۔

 سہولیات کی متفرق لاگت


نئی سہولیات کے ساتھ پہلے بوئنگ طیارے کی پی آئی اے فلیٹ میں شمولیت موجودہ سال اکتوبر میں ہوگی، مذکورہ سہولیات کی مجموعی لاگت 43 ملین ڈالرز، ان فلائٹ انٹر ٹینمنٹ سسٹم اوردیگرسہولیات کی لاگت 15 ملین ڈالرز ہے۔

اکانومی اور بزنس کلاس میں نئی نشستوں کی تنصیب کی لاگت 15 ملین ڈالرز ہو گی۔ بزنس کلاس میں نئی فلیٹ بیڈ سیٹوں کی تعداد 24 جبکہ اکانومی کلاس کی نئی تعداد 350 ہو گی۔

pia-post-1
بزنس کلاس کی فی نشست لاگت 47 ہزار جبکہ اکا نومی کلاس کی فی نشست لاگت 1830 یورو ہو گی۔ ابتدائی طور پر 9 بوئنگ 777 جہازوں کی صرف بزنس کلاس کی نشستیں تبدیل کی جانا تھیں۔

بورڈ کی ہدایات پر 5 طیاروں کی دونوں کلاس میں نئی نشستیں اوردیگر سہولیات کی فراہمی کا آغاز کیا گیا۔ سہولیات کی فراہمی میں تاخیر ای سی سی کے منظور کردہ 5 ارب روپے کی تاخیر سے فراہمی کے باعث ہوئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top