جوائنٹ ایکشن کمیٹی نے پی آئی اے بحالی منصوبہ تیارکرلیا -
The news is by your side.

Advertisement

جوائنٹ ایکشن کمیٹی نے پی آئی اے بحالی منصوبہ تیارکرلیا

کراچی : جوائنٹ ایکشن کمیٹی نے پی آئی اے بحالی منصوبہ حتمی طور پر تیار کرلیا، ذرائع کے مطابق پی آئی اے بحالی منصوبہ کی تحریری شکل وزیراعلیٰ پنجاب کی ہدایت پر عمل میں لائی گئی ہے۔

جوائنٹ ایکشن کمیٹی مذکورہ پلان شہباز شریف کے ہمراہ وزیراعظم کے سامنے پیش کرے گی، وزیراعظم کی بیرون ملک سے واپس آمد کے بعد ممکنہ رابطہ کاروں نے جوائنٹ ایکشن کمیٹی کی وزیر اعظم سے ملاقات کے لئے اقدامات شروع کردیئے۔

رابطہ کاروں کے ذریعے وزیر اعظم کے مشورے سے ملاقات کا وقت مقرر کیا جائے گا،پی آئی اے بحالی جوائنٹ ایکشن کمیٹی انتظامیہ کے ساتھ مل کر کرے گی۔

انتظامیہ میں اہل افراد کی شمولیت کے لئے نام بھی منصوبے کے ساتھ پیش کئے جائیں گے،بحالی منصوبے کے مندرجات میں تحریر کیا گیا ہے کہ پی آئی اے بحالی کے لئے ملازمین کو ایک سال کی مہلت دی جائے۔

ایک سال کے بعد بحالی نہ ہونے پر حکومت جو چاہے فیصلہ کرلے، ایوی ایشن پالیسی پر نظر ثانی کی جائے، اوراس سلسلے میں ایوی ایشن ماہرین پر مشتمل کمیٹی بنائی جائے۔

Comments

comments

یہ بھی پڑھیں