The news is by your side.

قاتلوں کی گرفتاری تک فضائی آپریشن معطل رہے گا، جوائنٹ ایکشن کمیٹی

کراچی : پی آئی اے جوائنٹ ایکشن کمیٹی نےملازمین کے قاتلوں کی گرفتاری تک دفاتر بند اورفضائی آپریشن معطل کرنے کااعلان کردیا۔

پالپا نے ممبر پائلٹوں کو ائیرپورٹ جانے سے روک دیا۔ تفصیلات کے مطابق پی آئی اے ملازمین کی احتجاجی ریلی پر فائرنگ سے ہلاکتوں کے خلاف پی آئی اے جوائنٹ ایکشن کمیٹی کا اجلاس چیئرمین جوائنٹ ایکشن کمیٹی سہیل بلوچ کی زیر صدارت ہوا۔

اجلاس میں شہداء کے قاتلوں کی گرفتاری تک فضائی آپریشن اور دفاتر بند رکھنے کا فیصلہ کیا گیا، چیئرمین جوائنٹ ایکشن کمیٹی سہیل بلوچ کا کہنا ہے کہ صبح سات سے آٹھ بجے تک تمام ملازمین جمع ہونگےاور پی آئی اے کے تمام شعبے مکمل طور پر غیر فعال رہیں گے۔

سہیل بلوچ نے ڈی جی رینجرزسےواقعےکی شفاف تحقیقات کا مطالبہ کیا، ان کا کہنا ہے کہ جاں بحق ملازمین کےلواحقین اور زخمی ملازمین کی بھرپورمددکی جائےگی۔

جوائنٹ ایکشن کمیٹی کا کہنا ہے کہ فائرنگ سے زخمی ہونیوالا ایچ آر اسسٹنٹ زبیر بھی دم توڑ گیا، جس کے بعد جاں بحق افرادکی تعداد تین ہوگئی ہے۔

Print Friendly, PDF & Email

Comments

comments

یہ بھی پڑھیں