پی آئی اے کی مسجد کے خطیب کا میٹرک سرٹیفکیٹ جعلی نکلا -
The news is by your side.

Advertisement

پی آئی اے کی مسجد کے خطیب کا میٹرک سرٹیفکیٹ جعلی نکلا

کراچی : پی آئی کی مسجد کے خطیب کا میٹرک سرٹیفکیٹ جعلی ہونے پر انتظامیہ نے شو کاز نوٹس جاری کردیا، تعلیمی بورڈ نے مذکورہ خطیب سے وضاحت طلب کرلی۔

تفصیلات کے مطابق پی آئی اے کی جامع مسجد کے خطیب اور گروپ نو کے افسر کا میٹرک سرٹیفکیٹ جعلی ہونے کا انکشاف ہوا ہے، بوگس سرٹیفکیٹ پر انتظامیہ کی جانب سے خطیب مولانا عطاء الحق کو شوکاز جاری کردیا گیا۔

مذکورہ سرٹیفکیٹ چھ سال قبل ادارے میں بھرتی کے وقت جمع کرایا گیاتھا، مسجد کے خطیب کا سرٹیفکیٹ متعلقہ تعلیمی بورڈ نے بوگس قرار دے کر انہیں شو کاز نوٹس جاری کردیا ہے۔

pia-post-01

نوٹس میں کہا گیا ہے کہ سات روزمیں جعلی سرٹیفکیٹ کے حوالے سے اپنا جواب داخل کریں، جواب داخل نہ کئے جانے کی صورت میں کارپوریشن قوانین کے مطابق کارروائی کی جائے گی۔

واضح رہے کہ مولانا عطاء الحق مسجد کے خطیب کے علاوہ ایئرلائن کے شعبہ اسلامی میں بطور مدیر بھی فرائض انجام دے رہے ہیں۔

ذرائع کے مطابق سال 2010 میں بھرتی ہونے والے خطیب کو حال ہی میں ڈپٹی جنرل منیجر کے عہدے پر ترقی بھی دی گئی۔

دوسری جانب پی آئی اے کے ترجمان دانیال گیلانی نے کہا ہے کہ مولانا عطاء الحق کو قوانین کے مطابق وضاحت کے لیے کہا گیا ہے، بصورت دیگر کمپنی قوانین کے مطابق تادیبی کارروائی ہوگی۔

Comments

comments

یہ بھی پڑھیں