The news is by your side.

Advertisement

یورپ اور برطانیہ کیلئے پروازوں کی بندش، پی آئی اے کو ماہانہ9 ارب سے زائد خسارہ

اسلام آباد : پی آئی اے کو یورپ اور برطانیہ کیلئے پروازوں کی بندش کے باعث ماہانہ نو ارب روپے سے زائد مالی خسارے کا سامنا ہے، پابندیوں کی صورت میں مزید 54 ارب کے خسارے کا خدشہ ہے۔

تفصیلات کے مطابق یورپ اور برطانیہ کیلیے پروازوں کی بندش کی وجہ سے پی آئی اے کو اربوں روپے ریونیو کے خسارے کا سامنا ہے۔

ترجمان کا کہنا ہے کہ پی آئی اے پروازوں کی بندش سےماہانہ9 ارب سے زائدخسارہ ہے ، گذشتہ عرصہ میں 250 ارب کا نقصان ہوا تاہمپابندیاں برقرار رہنے کی صورت آئندہ چھ ماہ تک مزید 54 ارب کے مالی خسارے کا خدشہ ہے۔

اکاو کی جانب سے پی آئی اے کا آڈٹ مکمل کر لیا گیا ہے تاہم سول ایویشن اتھارٹی کا ستمبر میں ہونے والا بین الاقوامی سول ایوی ایشن آرگنائزیشن کا آڈٹ نہ ہو سکا ۔

یہ آڈٹ پائلٹس اسکینڈل کے بعد میں سول ایوایشن کی بین القوامی قوانین کے ساتھ ہم آہنگی اور صلاحیت جانچنے کیلئے تھا ۔

اکاو نے سول ایویشن اتھارٹی کا آڈٹ مارچ یا جولائی 2021 میں کرنے کی نئی تاریخ دے دی ، سول ایوی ایشن کا آڈٹ نہ ہو نے سے یورپی یونین کی عائد سفری پابندیاں آئندہ سال تک کا خدشہ پیدا ہوگیا ہے۔

Comments

یہ بھی پڑھیں