The news is by your side.

Advertisement

پی آئی اے ترقی کی راہ پر گامزن ، پہلی سہہ ماہی میں 115 ملین روپے کا منافع

کراچی : قومی ایئرلائن پی آئی اے نے پہلی سہہ ماہی میں 115ملین روپے کا آپریٹنگ منافع حاصل کرلیا ، محصولات 34ارب روپے سے زائد رہے۔

تفصیلات کے مطابق قومی ایئرلائن پی آئی اے کے بورڈ آف ڈائریکٹر نے پہلی سہہ ماہی مالیات کی منظوری دے دی ، پی آئی اے نے 115ملین روپے کا آپریٹنگ منافع حاصل کیا۔

اس دوران محصولات 34ارب روپے سے زائد رہے ، پی آئی اے میں یہ مسلسل دوسری سہہ ماہی میں آمدنی میں اضافہ رہا ہے۔

کورونا وائرس کی وجہ سے پی آئی اے کے بند ہونے والے خلیجی ،سعودی عرب بشمول عمرہ آپریشن فعال ہیں ، پی آئی اے کو فیول اخراجات کی مد میں54فیصد اضافہ اور زرمبادلہ میں17فیصد کمی کے باوجود ساڑھے 11 کروڑ روپے کا منافع رہا۔

پی آئی اے کے سی ای او ایئرمارشل ارشد ملک کی کاوشوں کی وجہ سے مالیاتی نظم و ضبط کے باعث ادارہ ترقی کی جانب گامزن رہا۔

ذرائع کا کہنا ہے کہ پی آئی اے کے سی ای او ایئرمارشل ارشد ملک 25 اپریل کو اپنی مدت ملازمت پوری ہونے کے بعد عہدے سے سبکدوش ہوجائیں گے۔

Comments

یہ بھی پڑھیں