The news is by your side.

Advertisement

پی آئی اے کا زیادہ وزن والی فضائی میزبانوں کو بین الاقوامی پروازوں سے آف لوڈ کرنے پر غور

کراچی : پی آئی اے انتظامیہ نے فضائی میزبانوں کے وزن کم کرنے سے متعلق رپورٹ طلب کرلی اور زیادہ وزن والی فضائی میزبانوں کو بین الاقوامی پروازوں سے آف لوڈ کرنے پر غور کیا جارہا ہے۔

تفصیلات کے مطابق پی آئی اے انتظامیہ نے فضائی میزبانوں کے وزن کم کرنے سے متعلق رپورٹ طلب کرلی، پی آئی اے کے جنرل منیجر فلائٹ سروسز نے تفصیلات طلب کیں ہیں اور زیادہ وزن والی فضائی میزبانوں کو بین الاقوامی پروازوں سے آف لوڈ کرنے پر غور کیا جارہا ہے۔

انتظامیہ کی جانب سے فضائی میزبانوں کو ہر ماہ کی 20 تاریخ سے پہلے چھٹیوں کی معلومات فراہم کرنے کی ہدایت کی ہے، احکامات کے مطابق ڈیڈ لائین کے بعد کسی چھٹی کی درخواست پر عمل درآمد نہیں کیا جائے گا

فٹ قرار دیے گئے فضائی میزبان اور عملے کو بروقت آفس رپورٹ کرنے کی بھی ہدایت کی گئی ہے۔

مزید پڑھیں : پی آئی اے کے فضائی میزبانوں کو وزن کم کرنا ہوگا

یاد رہے انتظامیہ نے ایئرلائن کی کارکردگی کو بہتر بنانے کے لئے جہاز کے عملے کو قد اور عمر کے لحاظ سے وزن کم کرنے کیلئے کہا تھا اور فضائی میزبانوں سمیت جہاز کے عملے کو وزن کم کرنے کے لئے چھ ماہ کی مہلت دی گئی تھی۔

انتظامیہ نے 31جنوری تک جن ملازمین کا وزن عالمی معیار سے 30پاونڈ زیادہ ہے ان سب کو گراونڈ کرنے کی وارننگ دی تھی، جن ملازمین کو مہلت دی گئی ہے ان کی تعداد 1800سے زائد ہے۔

اس حوالے سے ایک گائیڈ لائن بھی فراہم کی گئی تھی ، جس کے تحت فروری میں 25 پاؤنڈ، مارچ میں 20، اپریل میں 15، مئی میں 10 اور جون میں باقی ماندہ 5 پاؤنڈ وزن کم کرنے کی ہدایت کی گئی تھی۔

Comments

comments

یہ بھی پڑھیں