site
stats
پاکستان

پی آئی اے نے ’نیویارک آپریشن‘ قبل از وقت ختم کردیا

PIA New York station

کراچی قومی ایئر لائن انتظامیہ نے نیویارک اسٹیشن کی بندش کے معاملے سے بورڈ آف ڈائریکٹرز کو بھی آگاہ نہیں کیا‘ اور قبل ازوقت ہی آپریشن ختم کردیا۔

تفصیلات کےمطابق 27 اکتوبر کو منعقدہ اجلاس میں بورڈ آف ڈائریکٹرز نے پروازوں کی بندش پر اپنے تحفظات کا اظہار کیا ہے‘ ایئر لائن انتظامیہ نے اس معاملے پر ڈایئریکٹرز کوآگاہ نہیں کیا تھا۔

ذرائع کا کہنا ہے کہ چند روز قبل ہونے والے اجلاس میں بورڈ کے ارکا ن نے نیویارک اسٹیشن کی بندش کا معاملہ بورڈ میں نہ آنے پر ناراضی کا اظہار کرتے ہوئے اپنے تحفظا ت کا شدت سے اظہار کیا ہے۔

دوسری جانب اسٹیشن کی بندش کے لیے کی جانے والی ای میل اور آپریشن کی بندش کی تاریخ بھی مختلف نکلی‘ ای میل کے مطابق 31 دسمبر 2017 تک نیویارک کے لیے ہفتہ وار ایک پرواز آپریٹ کی جانی تھی۔

پی آئی اے کانیویارک اسٹیشن بند کرنے کا فیصلہ

مذکورہ بالا ای میک پرائسنگ منیجر برائے امریکہ اور یورپ کے لیے جاری کی گئی تھی‘ای میل میں درج ہدایات مذکورہ ممالک کے ٹریول ایجنٹس کی آگاہی کے لئیے تھیں۔ ای میل میں 17 اکتوبر سے ایک پرواز کا سلسلہ 31 دسمبر تک جاری رکھنے کا کہا گیا تھا اوریکم جنوری کے بعد واپسی کی بکنگ کے حامل مسافروں کو متبادل ائرلائن سے واپسی کی سہولت کا بھی کہا گیا ہے۔

پی آئی اے انتظامیہ نے اپنی ہی جاری کردہ ای میل کے برعکس 28 اکتوبر کو ہی نیو یارک آپریشن بند کر دیا جس پر بورڈ آف ڈائریکٹر ز کی جانب سے تحفظات کا اظہار کیا جارہا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top