The news is by your side.

Advertisement

پی آئی اے کی کارکردگی میں بہت بہتری آئی، چیف ایگزیکٹو آفیسر

کراچی: پی آئی اے کے چیف ایگزیکٹو آفسیر برنڈ بلڈن برانڈ نے کہا ہے کہ ادارے کی کارکرگی بتدریج بہتر ہوتی جارہی ہے، گزشتہ ایک سال کے دوران گراؤنڈ سروس کے لیے استعمال ہونے والے گاڑیوں میں اضافہ کیا گیا ہے۔

تفصیلات کے مطابق پی آئی اے کے چیف ایگزیکٹو آفیسر برنڈ ہلڈن برانڈ نے پی آئی اے ریمپ سروس اور فوڈ سروس ڈویزنز کا دورہ کیا، دورے کے دوران انہوں نے گراؤنڈ سروس مشینری اور مسافروں کے استعمال کی گاڑیوں کا معائنہ کیا۔

اس موقع پر افسران سے بات چیت کرتے ہوئے پی ابرنڈ بلڈن نے کہا کہ پی آئی اے نے اپنے وسائل استعمال کرتے ہوئے سروس مشینری اور مسافروں کے لیے گاڑیاں تیار کر کے ادارے کو لاکھوں روپے کا منافع پہنچایا جو ملازمین اور افسران کی کارکردگی کی بہتری کا منہ بولتا ثبوت ہے۔

پڑھیں: ’’ پی آئی اے نے پریمئر سروس کے لیے حاصل کردہ طیارہ واپس کردیا ‘‘

انہوں نے کہا کہ پی آئی اے نے پچھلے ایک سال کے دوران گراؤنڈ سروس کے لیے استعمال ہونے والی گاڑیوں کی تعداد میں اضافہ کیا جس میں اے سی وینز، بیگج بیلٹ، ایمبو لفٹر اور بائی لفٹر شامل ہیں، آئندہ قومی ائیرلائن کو مزید فائدہ پہنچانے کے لیے چار گراؤنڈ پاور یونٹس بھی بحال کیے جائیں گے۔

pia-1

پی آئی اے کے سربراہ نے کہا کہ طیاروں کے ساتھ ساتھ گراؤنڈ مشینری بھی نہایت اہمیت کی حامل ہوتی ہے لیکن بدقسمتی سے پی آئی اے کا یہ لازمی جزو 25 سال سے زائد پرانا ہے اور اس سلسلے میں گزشتہ کئی سالوں سے سرمایہ کاری نہیں کی گئی، اس لئے ضروری ہے کہ موجودہ اور نئی مشینری کی حفاظت کی جائے تا کہ یہ آنے والے مہینوں اور سالوں تک ائیر لائن کو سروس فراہم کرسکیں۔

‎چیف ایگزیکٹو آفیسر نے گزشتہ ایک سال کی کارکردگی میں مثبت تبدیلیوں پر اطمینان کا اظہار کرتے ہوئے کہا کہ ’’کام درست سمت میں جا رہا ہے مگر بہتری کی اب بھی ضرورت  ہے۔ ہلڈن برانڈ نے انتظامیہ پر زور دیا کہ کہ وہ اپنے شعبہ جات کی کارکردگی میں مزید بہتری لائیں اور خاص طور پر گراؤنڈ سپورٹ کی مشینری کی دیکھ بحال پر خصوصی توجہ دی جائے۔

یہ بھی پڑھیں: ’’ پی آئی اے کے سی ای او کی وطن واپسی کے لیے سفارتی ذرائع کے استعمال کا امکان ‘‘

Print Friendly, PDF & Email

Comments

comments

یہ بھی پڑھیں