پی آئی اے پائلٹوں کے لائسنس کی تجدید نہ ہوسکی، پروازیں تاخیر کا شکار -
The news is by your side.

Advertisement

پی آئی اے پائلٹوں کے لائسنس کی تجدید نہ ہوسکی، پروازیں تاخیر کا شکار

کراچی : قومی ایئرلائن پی آئی اے کے پائلٹوں کے لائسنس کی تجدید روک کر فضائی میزبانوں کے پرمٹکو بھی واجبات کی ادائیگی سے مشروط کردیا گیا۔

تفصیلات کے مطابق سول ایوی ایشن اتھارٹی کے فلائٹ اسٹیندرڈ نے قومی ایئرلائن کے پائلٹوں کے لائسنس کی تجدید روک دی، سی اے اے نے پائلٹوں کے لائسنس اور فضائی میزبانوں کے پرمٹ کو ادائیگی سے مشروط کر دیا۔

قومی ایئر لائن کے اے 320 اور777طیاروں کے درجنوں پائلٹوں کے لائسنس کی تجدید تعطل کا شکار ہوگئی، پی آئی اے کے ڈائریکٹر فلائٹ آپریشن سی اے اے سے معاملہ حل کیے بغیر ایک روز قبل ہی کینیڈا روانہ ہوگئے۔

اس کے علاوہ پی آئی اے کے پائلٹوں کے لائسنس کی تجدید نہ ہونے سے متعدد پروازیں منسوخی کا شکار ہو گئیں، پی آئی اے نے لائسنس کی تجدید کے لئے سی اے اے کے لاکھوں روپے کے واجبات ادا کرنے ہیں۔

پی آئی اے کے چیف پائلٹ کیپٹن زرک خان سے بھی سی اے اے نے معذرت کرلی، اس حوالے سے ترجمان پی آئی اے کا کہنا ہے کہ سول ایوی ایشن اتھارٹی کو لائسنس کی تجدید کے لیے واجبات کا چیک تیار کر لیا گیا ہے جو آئندہ دو روز میں ادا کر دیا جائے گا۔

Comments

comments

یہ بھی پڑھیں