site
stats
پاکستان

پی آئی اے کے جہاز سے چھ کلو ہیروئن برآمد، ملزم گرفتار

لاہور: پی آئی اے کی دبئی جانے والی پرواز پی کے 203 کے واش روم سے بھاری مقدار میں ہیروئن برآمد ہونے کا معمہ حل ہوگیا، سیکیورٹی اداروں نے ہیروئن کے مالک کو گرفتارکرلیا۔

تفصیلات کے مطابق لاہورکے علامہ اقبال انٹرنیشنل ائیرپورٹ پردبئی جانے والی پی آئی اے کی پرواز پی کے دوسو تین سے 6 کلو ہیروئن بر آمد کی گئی جو طیارے کے واش روم میں چھپائی گئی تھی۔


6 kg heroine seized from PIA's flight from… by arynews

تحقیقاتی اداروں نے فوری کارروائی کر کے عاطف ریاض نامی شخص کو حراست میں لے لیا ہے، مذکورہ ملزم سیالکوٹ کا رہائشی بتایا جارہا ہے۔

اطلاع ملنے پر مذکورہ پرواز کو لاہور ائیرپورٹ پر روک لیا گیا تھا، یہ پرواز صبح آٹھ بج کر تیس منٹ پر روانہ ہونا تھی، جہاز کی روانگی کے لیے تیاری مکمل ہوچکی تھی جسے 11 بج کر 38 منٹ پر کلئیرنس کے بعد روانہ کیا گیا۔

ملزم عاطف ریاض ہیرؤن دبئی لے کرجا رہا تھا، سیکیورٹی ایجنسیز نے جہاز کو روک کر ہیرؤن کے مالک کی تلاش کی تھی۔

برآمد ہونے والی چھ کلو ہیروئن جس کی عالمی مارکیٹ میں مالیت 6 کروڑ روپے سے زائد بتائی جا رہی ہے، تحقیقاتی اداروں نے سول ایوی ایشن اتھارٹی، پی آئی اے اور اے ایس ایف کی اُس وقت کی پوری شفٹ کو شامل تفتیش کرلیا ہے۔

سی سی ٹی وی فوٹیج کی مدد سے پتہ لگایا جا رہا ہے کس کی مدد سے ہیرؤن جہاز تک پہنچی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top