The news is by your side.

Advertisement

کراچی میں تباہ ہونے والا پی آئی اے کا طیارہ ایک اور معصوم جان نگل گیا

کراچی : تباہ ہونے والا پی آئی اے کا طیارہ ایک اور معصوم جان نگل گیا، حادثے کے نتیجے میں زخمی ہونے والی 12 سالہ گھریلو ملازمہ ناہیدہ جان کی بازی ہار گئی۔

تفصیلات کے مطابق پاکستان انٹر انیشنل ائیرلائن کے طیارے پی کے 8303 کے شعلوں کی زد میں آنے والی بارہ سالہ ملازمہ ناہیدہ زخموں کی تاب نہ لاتے ہوئے زندگی کی بازی ہار گئی، ناہیدہ سول اسپتال کے برنس سینٹر میں زیرعلاج تھی۔

ناہیدہ اپنے گھر کی واحد کفیل تھی معصوم ناہیدہ نا صرف اپنے گھر کی کفالت کر رہی تھی بلکہ اپنی تعلیم کے اخراجات بھی خود اٹھا رہی تھی، ناہیدہ کی میت اہل خانہ کے حوالے کردی گئی ہے، نماز جنازہ کنڈ ملیر میں ادا کی جائے گی۔

پولیس کا کہنا تھا کہ کراچی میں پی آئی اے کا طیارہ گرنے سے تباہ ہونے والے گھروں میں کام کرنے والی تین گھریلو ملازم لڑکیاں بھی جھلس کر زخمی ہوئی تھی۔

دوسری جانب تباہ شدہ طیارے کے حادثے میں شہید 84 کی میتیں ورثا کے حوالے کی جاچکی ہے جبکہ 9 ایدھی اور 4 چھپیا سرد خانے میں موجود ہیں۔

واضح رہے کہ چند روز قبل پی آئی اے کا طیارہ ایئرپورٹ کے قریب ماڈل کالونی جناح گارڈن میں رہائشی آبادی پر گر کر تباہ ہوگیا تھا جس کے نتیجے میں 97 مسافر ہلاک جبکہ 2 مسافر معجزانہ طور پر بچ گئے تھے۔ حادثے میں مقامی لوگوں کی ہلاکتیں بھی ہوئیں جبکہ پانچ گھر مکمل تباہ ہوگئے

fb-share-icon0
Tweet 20

Comments

comments

یہ بھی پڑھیں