site
stats
پاکستان

طیارہ حادثہ:جاں بحق کیپٹن صالح جنجوعہ کی نمازجنازہ ادا

اسلام آباد : حویلیاں طیارہ حادثے میں جاں بحق کیپٹن صالح جنجوعہ کی نماز جنازہ ادا کردی گئی ہے۔

تفصیلات کے مطابق طیارے حادثے میں شہد کیپٹن صالح جنجوعہ کا جسد خاکی بھائی میجر آصف جنجوعہ نے پمزاسپتال سے شناخت کے بعد وصول کیا تھا، پائلٹ صالح جنجوعہ کی شناخت دانتوں کے اگزامینیشن سے ممکن ہوئی۔

کیپٹن صالح جنجوعہ کی نماز جنازہ ریس کورس پارک راولپنڈی میں ادا کی گئی، نماز جنازہ میں قریبی عزیز و اقارب، راجہ ظفرالحق اور دیگر اہم شخصیات نے بڑی تعداد میں شرکت کی۔

گذشتہ روز طیارہ حادثے کی تین میتوں کی شناخت ہوئی، ان میں جنید جمشید کی اہلیہ نیہا جنید، پائلٹ صالح جنجوعہ اور ایک آسٹریائی شہری بھی شامل ہے، نیہا جنید کو دانتوں کے اسکین کے ذریعے شناخت کیا گیا تھا۔

واضح رہے کہ پی آئی اے کے بدقسمت طیارے پی کے 661 کے پائلٹ صالح جنجوعہ اور کو پائلٹ احمد جنجوعہ جہاز کو بچاتے ہوئے ہولناک حادثے کا شکار ہوگئے تھے۔


مزید پڑھیں : مرحوم پائلٹ صالح نے پاکستان کے خوبصورت مناظر اجاگر کیے


پائلٹ صالح جنجوعہ امیزنگ پاکستان کے نام سے ایک یو ٹیوب چینل بھی چلارہے تھے اور اس چینل پر اپنے سفر کے دوران ریکارڈ کیے گئے پاکستان کے خوبصورت مناظر دنیا کے سامنے پیش کرتے تھے۔

خیال رہے چترال سے اسلام آباد آنے والی پی آئی اے کی فلائٹ کو ایبٹ آباد حویلیاں کے قریب حادثہ پیش آیا، جس کے نتیجے میں جہاز پہاڑ سے ٹکرا کر مکمل تباہ ہوگیا تھا اور اس میں موجود تمام مسافر اور عملہ شہید ہوگیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top