طیارہ حادثے میں جاں بحق ائر ہوسٹس صدف فاروق کو سپرد خاک کر دیاگیا -
The news is by your side.

Advertisement

طیارہ حادثے میں جاں بحق ائر ہوسٹس صدف فاروق کو سپرد خاک کر دیاگیا

اسلام آباد : طیارہ حادثہ میں جاں بحق ایئرہوسٹس صدف فاروق کوآبائی علاقے میں سپرد خاک کر دیاگیا جبکہ حادثے میں جاں بحق پینتالیس افراد کےورثاء سے خون کے نمونےحاصل کر لیے گئےہیں۔

اسلام آباد کے سردخانے میں رکھی ایک اورجھلسی لاش کو شناخت مل گئی، پی آئی اے کی فضائی میزبان صدف کی نماز جنازہ ان کے آبائی علاقے کلر سیداں میں ادا کی گئی، انگلیوں میں پہنی انگھوٹیاں اور یونیفارم ائرہوسٹس صدف فاروق کی شناخت کا باعث بنے تھے ۔

پرواز پی کے ڈبل سکس ون کی میزبان صدف فاروق کی شناخت ان کے والد اوربھائی نے کی تھی، ضابطے کی کارروائی کے بعدصدف کی لاش ورثا ء کے سپرد کردی گئی ۔

دوسری جانب طیارہ حادثے میں جاں بحق سینتالیس میں سے نو پاکستانی شہریوں کی شناخت کی جاچکی ہےجبکہ اڑتیس لاشیں پمز میں شناخت کی منتظر ہیں۔

پمز کے سربراہ ڈاکٹر الطاف کا کہنا ہے عملے کی چھٹیاں منسوخ کر دی ہیں، ڈی این اے کا کام بروقت مکمل کرلیا جائے۔

طیارے میں سوارچینی باشندے ہین کوئینگ کے بھائی نے اسلام آباد پہنچ کر ڈی این اے ٹیسٹ کیلئے نمونے دیئے جبکہ دوغیر ملکیوں باشندوں کے ورثا اب تک ڈی این اے ٹیسٹ کیلئے نہیں آسکے۔


مزید پڑھیں : طیارہ حادثہ: جنید جمشید‘ دیگرشہداکی شناخت کا عمل جاری


یاد رہے کہ پی آئی اے کا بد قمست اے ٹی آر طیارہ حویلیاں کے نزدیک گر کر تباہ ہوا تھا، حادثے میں مروف مذہبی اسکالرجنید جمشید سمیت سینتالیس افراد زندگی سے ہاتھ دھو بیٹھے تھے۔

Comments

comments

یہ بھی پڑھیں