The news is by your side.

Advertisement

پی آئی اے کی پرواز حادثے سے بچ گئی، مسافروں کی چیخ و پکار

کراچی: اسلام سے سکھر آنے والی پاکستان انٹرنیشنل ایئر لائن (پی آئی اے) کی پرواز حادثے سے بال بال بچ گئی۔

اے آر وائی نیوز کے مطابق اسلام آباد سے سکھر آنے والی پرواز پی کے 631 حادثے سے بال بال بچ گئی، مسافروں نے چیخ و پکار شروع کردی۔

ایئرپورٹ ذرائع کا کہنا ہے کہ طیارے کی لینڈنگ کے دوران ایمرجنسی دروازہ کھل گیا تھا، کپتان نے باحفاظت طیارے کو لینڈ کرایا۔

نمائندہ اے آر وائی نیوز کے مطابق انتظامیہ کی جانب سے واقعے کی تصدیق کردی گئی ہے اور واقعہ کی تحقیقات کا آغاز کردیا گیا ہے۔

مزید پڑھیں: پی آئی اے کا طیارہ حادثے سے بال بال بچ گیا

واضح رہے کہ گزشتہ ماہ کے اوائل میں پی آئی اے کا طیارہ حادثے سے بال بال بچ گیا تھا، کوئٹہ سے کراچی آنے والی پرواز پی کے 311 سے پرندہ ٹکرایا تھا۔

یاد رہے کہ گزشتہ سال دسمبر میں پی آئی اے کا طیارہ حادثے سے بچا تھا۔ طیارے کے لاہور ایئر پورٹ پر اترتے ہی انجن سے کوئی چیز ٹکرائی جس سے اس کا توازن بگڑا۔ خوش قسمتی سے کوئی جانی نقصان نہیں ہوا۔

fb-share-icon0
Tweet 20

Comments

comments

یہ بھی پڑھیں