The news is by your side.

Advertisement

ملتان انٹرنیشنل ایئرپورٹ پر دوران لینڈنگ پی آئی اے کی پرواز کا ٹائر پھٹ گیا

ملتان: ملتان انٹرنیشنل ایئرپورٹ پر لینڈنگ کے دوران پی آئی اے کی پرواز کا ٹائر پھٹ گیا۔

تفصیلات کے مطابق ملتان انٹرنیشنل ایئرپورٹ پر دوران لینڈنگ پی آئی اے کی پرواز حادثے سے بچ گئی، ٹائر پھٹنے کے باوجود طیارہ باحفاظت لینڈ کرگیا۔

ایئرپورٹ ذرائع کے مطابق پرواز نے بطور پی کے 682 ایئرپورٹ سے اسلام آباد روانہ ہونا تھا، ٹائر پھٹنے کی وجہ سے طیارہ اسلام آباد کے لیے اڑان نہ بھرسکا۔

ذرائع کے مطابق متبادل ٹائر کا انتظام ہونے پر فلائٹ کو منزل پر روانہ کیا جائے گا، پی کے 682 کراچی سے ملتان پہنچی تھی۔

مزید پڑھیں: پی آئی اے کا طیارہ گلگت ائیر پورٹ پر دوران لینڈنگ پھسل گیا

واضح رہے کہ گزشتہ ماہ قومی ایئرلائن کا طیارہ گلگلت ایئرپورٹ پر دوران لینڈنگ پھسل گیا تھا، پائلٹ نے کمال مہارت سے دوران لینڈنگ طیارے پر قابو پالیا تھا۔

سیفٹی انویسٹی گیشن بورڈ کے ارکان اسلام آباد سے گلگت روانہ ہوگئے تھے۔ ارکان طیارے کے کپتان سے معلومات حاصل کریں گے اور اس کا طبی معائنہ کیا جائے گا۔

گلگت آنے والے مسافروں کو اسلام آباد لانے کے لیے پرواز روانہ کردی گئی تھی۔

Comments

comments

یہ بھی پڑھیں