The news is by your side.

Advertisement

سیفٹی قوانین کی خلاف ورزی‘ پی آئی اے کے پائلٹ کو شوکاز جاری

کراچی: قومی ائئر لائن نے سیفٹی قوانین کی خلاف ورزی کرنے پر پی آئی اے کے کپتان اورعملے کے ایک اور رکن کو شو کاز نوٹس جاری کردیا ہے‘ پائلٹ نے الزام کی تردید کی ہے۔

تفصیلات کے مطابق کیپٹن انور عادل نے 20جنوری کو کراچی سے مدینہ جانے والی پی آئی اے کی پرواز پی کے 743کے ذریعے چھ اضافی مسافروں کو جمپ سیٹ اور کاک پٹ میں سفر کرایا تھا۔

پی آئی اے کی تحقیقاتی کمیٹی نے قوانین کی خلاف ورزی کرنے پر کیپٹن انور عادل ، سینئر پرسرحنا تراب اورٹرمینل منیجر اکبر علی شاہ کو شوکاز نوٹس جاری کردیا۔

ذرائع کا کہنا ہے کہ کیپٹن انورعادل شوکاز کے بعد جہاز بھی نہیں اڑا سکیں گے۔ کیپٹن انورعادل کے خلاف قوانین کی خلاف ورزی کرنے پر سی اے اے بھی تحقیقات کررہی ہے۔

دوسری جانب کیپٹن انور عادل کی اے آر وائی نیوز سے گفتگو کرتے ہوئے کہا ہے‘ کہ میں نے کسی بھی اضافی مسافر کو جمپ سیٹ پر نہیں بٹھایا‘ جس نے بھی مسافروں کو جمپ سیٹ پر بٹھایا ہے ان کے خلاف تحقیقات صاف اور شفاف ہونی چاہئے۔

Print Friendly, PDF & Email

Comments

comments

یہ بھی پڑھیں