کراچی: قومی انٹرنیشل ایئر لائن (پی آئی اے) انتظامیہ نے اپنے ملازمین کے مسائل کے حل کے لیے پورٹل سروس کا آغاز کردیا، سروس سے ملازمین کی مشکلات کے حل میں مدد ملے گی۔
تفصیلات کے مطابق پاکستان انٹرنیشل ایئر لائن (پی آئی اے) انتظامیہ نے ملازمین کے مسائل کے حل کے لیے پورٹل سروس کا آغاز کردیا، پورٹل سروس پی آئی اے کے سی ای او ارشد ملک کی ہدایات پر شروع کی گئی۔
پی آئی اے چیف ہیومن ریسورس افسر عامر الطاف نے سرکلر جاری کردیا، سرکلر کے مطابق پورٹل سروس سے ملازمین کی مشکلات کے حل میں مدد ملے گی۔
انتظامیہ کا کہنا ہے کہ پورٹل سروس پی آئی اے نے اپنی مدد آپ کے تحت تیار کی ہے، پی آئی اے کے حاضر سروس اور ریٹائرڈ ملازمین کے لیے الگ الگ ہیلپ ڈیسک قائم کیا گیا ہے۔
یاد رہے کہ پی آئی اے نے گزشتہ ماہ سے اپنے ملازمین کے لیے کرونا ویکسی نیشن بھی شروع کردی ہے، کرونا سے بچاؤ کے لیے پائلٹس اور فرنٹ لائن ورکرز کی مرحلہ وار ویکسی نیشن کا عمل جاری ہے۔
