تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

پی آئی اے کو جان بوجھ کر تباہ کیا جارہا ہے، عمران خان

کراچی : پاکستان تحریک انصاف کے چیئر مین عمران خان نے کہا ہے کہ پی آئی اے کو جان بوجھ کر تباہ کیا جارہا ہے۔ یہ بات انہوں نے کراچی میں پی آئی اے مُلازمین کے دھرنے میں شرکت کے موقع پر شرکاء سے بات چیت کرتے ہوئے کہی۔

تفصیلات کے مطابق عمران خان نے آج کراچی میں پی آئی اے ملازمین سے اظہار یکجہتی کے لئے ان کے دھرنے میں شرکت کی، پی آئی اے جوائنٹ ایکشن کمیٹی کے عہہدیداران سے گفتگو کرتےہوئے اُن کا کہنا تھا کہ پی آئی اے کو جان بوجھ کر تباہ کیا جارہا ہے۔

عمران خان نے مطالبہ کیا کہ پی آئی اے ملازمین کے قتل کی تحقیقات کے لئے جوڈیشل کمیشن بنایا جائے اور لازمی سروسز ایکٹ واپس لیں اور مسافروں کی خاطر ملازمین سے مذاکرات کئے جائیں اور چار لاپتہ ملازمین کو فوری بازیاب کرایا جائے۔

انہوں نے کہا کہ حکومت کو چاہئے کہ ملازمین کے خدشات دور کرے۔ جمہوریت ڈنڈے اور بندوق سے نہیں چلتی۔ پی آئی اے ملازمین سے خطاب کرتے ہوئے انہوں نے کہا کہ جان بوجھ کر پی آئی اے کو تباہ کیاجارہا ہے۔حکومت بتائے نجکاری سے ملازمین اور عوام کو کیا فائدہ ہوگا؟

اس سے قبل عمران خان جب کراچی آئے تو سب سے پہلے پی آئی اے ملازمین کے دھرنے میں پہنچے۔ اورفائرنگ سے جاں بحق ملازمین کے ایصال ثواب کیلئے دعا کی۔

عمران خان ایئرپورٹ سے باہر آئے تو کارکنوں کی بڑی تعداد استقبال کیلئے موجود تھی۔ عمران خان بس پر بنے اسٹیج پر چڑھے اور حکومت کو مہنگائی میں کمی کیلئے پانچ مطالبات یاد دلائے۔

عمران خان نے کہا کہ میاں صاحب جدہ میں آپ کی اسٹیل مل چل رہی ہے اور یہاں کی بند ہورہی ہے، کپتان نے حکومت کو خبردار کیا کہ اگرقیمتیں نیچےنہیں کی گئیں تو کارکن سڑکوں پر نکل آئیں گے۔ جس کی تیاری کر لی ہے۔

Comments

- Advertisement -