پی ایس او نے قومی ایئرلائن کو ایندھن کی فراہمی بند کردی pia pso
The news is by your side.

Advertisement

پی ایس او کی قومی ایئرلائن کو ایندھن کی فراہمی معطلی کے بعد بحال

کراچی: پی ایس او نے قومی ایئر لائن کو ایندھن کی فراہمی بند کردی، کراچی سے لاہور، اسلام آباد کی پروازوں کو ایندھن فراہم نہیں کیا گیا۔

تفصیلات کے مطابق پی آئی اے کی جانب سے 7 دن میں پی ایس او کو ادائیگی نہ کرنے پر پی ایس او نے قومی ایئرلائن کو ایندھن کی فراہمی بند کردی ہے۔

ذرائع پی ایس او کے مطابق پی آئی اے کو جزوی طور پر ایندھن کی فراہمی روکی گئی ہے، واجبات ادا نہ کیے گئے تو دوسری جگہوں پر بھی فیول کی فراہمی بند کردیں گے۔

پی ایس او کے مطابق پی آئی اے کے واجبات 17 ارب روپے سے بھی تجاوز کر گئے ہیں، پی آئی اے نے 6 دن سے روزانہ کی بنیاد پر واجبات ادا نہیں کیے ہیں۔

فیول کی فراہمی بحال

بعدازاں پی ایس او نے پی آئی اے حکام کی یقین دہانی کے بعد فیول کی فراہمی بحال کردی، ترجمان پی ایس او کے مطابق یہ سہولت کل دوپہر ایک بجے تک فراہم کی گئی ہے، کل ایک بجے تک رواں ہفتے کی ادائیگی نہ ہوئی تو فیول فراہمی بند کردیں گے۔

مزید پڑھیں: واجبات کی عدم ادائیگی: پی ایس او کا پی آئی اے کو ایندھن دینے سے انکار

واضح رہے کہ اس سے قبل بھی واجبات کی عدم ادائیگی پر پی ایس او کی جانب سے پی آئی اے کو ایندھن کی فراہمی بند کی جاچکی ہے، جسے مذاکرات کے بعد بحال کردیا گیا تھا۔

Comments

comments

یہ بھی پڑھیں