The news is by your side.

Advertisement

ڈیڑھ سال بعد اسلام آباد اور چترال کے درمیان فضائی سروس بحال، یکطرفہ کرایہ کتنا ہوگا؟

اسلام آباد : قومی ایئرلائن ( پی آئی اے) نے ڈیڑھ سال بعد اسلام آباد اور چترال کے درمیان فضائی سروس بحال کردی، چترال کیلئے یکطرفہ کرایہ 5 ہزار 920 روپے ہوگا۔

تفصیلات کے مطابق پی آئی اے نے اسلام آباد اور چترال کے درمیان فضائی سروس بحال کردی ، ترجمان کا کہنا ہے کہ اسلام آباد سے چترال کیلئے یکطرفہ کرایہ 5 ہزار 920 روپے ہوگا اور چترال کے لئے ہفتہ وار2پروازیں چلائی جائیں گی، چترال سیکٹر پر پروازیں شروع کرنےسے سیاحت کوفروغ ملے گا۔

ترجمان کا کہنا تھا کہ پی آئی اے نے کراچی سے سیالکوٹ کیلئے مزید 2پروازوں کا اضافہ کردیا ، سیالکوٹ پروازوں میں اضافے سے مسافروں اور تاجروں کو بھی سہولت ملے گی۔

پی آئی اے ترجمان کے مطابق سیالکوٹ کے لئے ہفتہ وارچار پروازیں چلائی جائیں گی، کراچی سے سیالکوٹ کے لئے یکطرفہ کرایہ 7ہزرار500 روپے مقر ر کردیا گیا ہے۔

خیال رہے اسلام آباد اور چترال کے درمیان فضائی سروس فضائی سروس کورونا وبا کی وجہ سے ڈیڑھ سال سے معطل تھی۔

یاد رہے 3 روز قبل پی آئی اے نے کورونا کی وجہ سے معطل لاہور اور اسلام آباد کے درمیان فضائی سروس بحال کی تھی، ترجمان کا کہنا تھا کہ لاہور اور اسلام آباد کے درمیان ہفتہ وار 3 پروازیں چلائی جائیں گی ، دو طرفہ پروازیں پیر، بدھ اور جمعے کوآپریٹ کی جائیں گی۔

Comments

یہ بھی پڑھیں