The news is by your side.

Advertisement

رواں مالی سال کے 6 ماہ میں پی آئی اے ریوینو میں 44فیصد ریکارڈ اضافہ

کراچی : پی آئی اے کے اعداد وشمار فنانس منسٹری میں جمع کرادیئے گئے ہیں جس کے مطابق جنوری2019 سے جون تک ادارے کی کارکردگی میں شاندار اضافہ ریکارڈ کیا گیا ہے، ریونیو کی مد میں44فیصد اضافہ ہوا۔

تفصیلات کے مطابق پی آئی اے میں اصلاحات اور کفایت شعاری کے ثمرات آنا شروع ہوگئے، رواں مالی سال کے پہلے6ماہ میں قومی ایئرلائن کے خسارے میں نمایاں کمی واقع ہوئی ہے۔

پی آئی اے کو6ماہ کے دوران ریونیو کی مد میں44فیصد اضافہ ریکارڈ کیا گیا۔ پی آئی اے نے اعداد وشمار فنانس منسٹری میں جمع کرادیئے۔

اعداد وشمار کی رپورٹ اے آر وائی نیوز کو موصول ہوگئی ہے جس میں بتایا گیا ہے کہ جنوری 2019 سے جون 2019 تک پی آئی اے کی کارکردگی میں شاندار اضافہ ریکارڈ کیا گیا ہے۔

اعداد و شمار کے مطابق پی آئی اے کے خسارے میں بجٹ کے مقابلے میں36فیصد کمی ہوئی، پی آئی اے کا آپریٹنگ خسارہ 21ارب سے کم ہوکر5ارب رہ گیا۔

گزشتہ مالی سال پی آئی اے کو38ارب50کروڑ روپے کا خسارہ ہوا تھا جو اب32ارب روپے رہ گیا ہے، پہلے6 ماہ میں پی آئی اے کی آمدنی میں29ارب روپے کا اضافہ ہوا اور ادارے کو94ارب73کروڑ80لاکھ روپے کی آمدنی ہوئی۔

رپورٹ کے مطابق سال2018کے پہلے6 ماہ میں 65ارب70کروڑ23لاکھ کی آمدنی ہوئی تھی، خلیجی ممالک سمیت دیگر منافع بخش روٹ میں اضافے سےبھی ریونیو میں اضافہ ہوا۔

اس حوالے سے ترجمان پی آئی اے کا کہنا ہے کہ 75فیصدآپریشنل نقصان میں بھی کمی واقع ہوئی ہے،6ماہ میں نیٹ آپریٹنگ خسارے کی مدمیں48.7فیصد کمی واقع ہوئی۔

fb-share-icon0
Tweet 20

Comments

comments

یہ بھی پڑھیں