pia پرواز میں اضافی وزن: پی آئی اے نے مسافروں کی زندگی خطرے میں ڈال دی
The news is by your side.

Advertisement

پرواز میں اضافی وزن: پی آئی اے نے مسافروں کی زندگی خطرے میں ڈال دی

کراچی : پی آئی اے نے سیفٹی قوانین کی دھجیاں اڑا دیں، پرواز میں مقررہ وزن سے ڈھائی ہزار کلو گرام اضافی وزن بلا معاوضہ لوڈ کرکے مسافروں کی زندگی خطرے میں ڈال دی۔

تفصیلات کے مطابق پی آئی اے کی پرواز پر ڈھائی ہزار کلو گرام وزن بلا معاوضہ لوڈ کئے جانے کا انکشاف ہوا ہے، اضافی سامان لوڈ کئے جانے سے مسافروں کی زندگیاں بھی خطرے میں ڈال دی گئیں۔

سیفٹی قوانین کی یہ سنگین خلاف ورزی مدینہ سے پشاور آنے والی پرواز نمبر 3240پر کی گئی، لاکھوں روپے کےاضافی سامان سے طیارے کے فیول اخراجات میں بھی اضافہ ہوا۔

محکمانہ تحقیقات میں محمد یاسین نامی ٹریفک افسر سمیت دیگر ملازمین مبینہ ذمہ دار قرار پائے گئے جس کے بعد سیفٹی قوانین کی خلاف ورزی اور ریونیو نقصان کے ذمہ داران کو شو کازنوٹس جاری کردیا گیا۔


مزید پڑھیں: پی آئی اے کے60 سالہ سی او او کی ریٹائرمنٹ کے باوجود ملازمت جاری


ذرائع کے مطابق سعودیہ سے اضافی سامان کی مد میں 30 ریال فی کلو وصول کئے جاتے ہیں، محمد یاسین سمیت دیگر اہلکاروں کو حج پوسٹنگ پرمدینہ میں تعینات کیا گیا تھا، ان ذمہ داران کو با اثر افسران کی مبینہ سفارش پر حج پوسٹنگ دی گئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں