کراچی: پی آئی اے نے برطانیہ کیلئے خصوصی پروازوں کا شیڈول جاری کر دیا، اسلام آبا د سے ہفتے کو دو پروازیں آپریٹ ہوں گی۔
تفصیلات کے مطابق پی کے 9701مانچسٹر جبکہ دوسری پرواز پی کے 9785 لندن روانہ ہو گی، پی آئی اے اتوار کو بھی بر طانیہ کے لئے دو پروازیں آپریٹ کر ے گی، پی کے 791 اسلام آباد سے بر منگھم دوسری پرواز پی کے 701ما نچسٹر روانہ ہو گی۔
برطانیہ جا نے والی پروازوں پر کیے جانے والے حفاظتی اقدامات بین الاقوامی معیار سے بہت زیادہ بڑھ کر ہیں، پی آئی اے کی تمام پروازیں پاکستان سے مسافروں کو لے کر روانہ ہوں گی اور مسافروں کو بر طانیہ چھوڑ کر خالی طیارے واپس پاکستان آئیں گے۔
پراوازوں کی روانگی سے قبل اسلام آباد ایئرپورٹ پرمسافروں کی جامع اسکریننگ اور ان کے سامان سمیت ڈس انفیکشن بھی کی جا ئیں گی۔
پی آئی اے اسلام آباد سے لندن مانچسٹر اور برمنگھم کیلئے آٹھ پروازیں آپریٹ کرے گی جس کے لیے سول ایوی ایشن اتھارٹی نے پی آئی اے کو خصوصی اجازت دے رکھی ہے۔
