پی آئی اے کے جہازوں میں ٹرک آرٹ کے لشکارے -
The news is by your side.

Advertisement

پی آئی اے کے جہازوں میں ٹرک آرٹ کے لشکارے

کراچی: باکمال لوگوں کی لاجواب سروس کا ایک اور کارنامہ‘ پاکستانی تشخص اجاگر کرنے کے لیے جہازوں کی فوڈ ٹرا لی کو ٹرک آرٹ سے مزین کردیا۔

تفصیلات کے مطابق قومی ایئر لائن کی انتظامیہ نے بیرونِ ملک ‘ بالخصوص یورپ جانے والی پروازوں کی فوڈ ٹرالیوں پر ٹرک آرٹ کے نقش و نگار سے مزین کرتے ہوئے ان پر مقامی ٹرکوں کے نمائندہ سلوگن درج کرادیئے ہیں۔

ذرائع کا کہنا ہے ا س ساری کارروائی کا مقصد ملکی تشخص کااجاگر کرنا ہے اورقومی ائیرلائن کو یہ انوکھا خیال ملکی تشخص کو اجاگر کرنے کےلیے مخصوص شعبے نے حکام کو دیا ہے۔

یہ بھی پڑھیں


پاکستانی ٹرک آرٹ امریکہ میں مشہور

یہ بھی بتایا جارہا ہے کہ اب پی آئی کی فوڈ ٹرالیوں پر کچھ اس قسم کے جملے لکھے ہوئے ملیں گے؛ جن میں اسپیڈ میری جوانی ۔۔اوور ٹیک میرا نخرا، دیکھ مگر پیار سے اور پاس کریا برداشت کر جیسے جملے شامل ہیں۔

خیال رہے کہ پاکستان کے ہائی ویز پر سفر کرتے ہوئے ٹرکوں کے پیچھے اس قسم کے جملے جا بجا لکھے ہوئے ملتے ہیں اور پاکستانی ٹرک بھی انتہائی دیدہ زیب اور دلچسپ نقش و نگار سے مزین ہوتے ہیں ‘ جس کے لیے ان پر لاکھوں روپے کا اضافہ خرچا کیا جاتا ہے۔

خیال رہےکہ کچھ عرصہ قبل پاکستانی ٹرک آرٹسٹ نے امریکا کے دورے کے دوران ٹرک آرٹ کے ایک مداح کی گاڑی کو ان دلچسپ جملوں اور نقش و نگار سے مزین کیا تھا جسے بے پناہ پذیرائی ملی تھی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Comments

comments

یہ بھی پڑھیں