site
stats
بزنس

پی آئی اے منافع بخش روٹس پر ترکش ائیرکے مسافروں کو لے جائے گی

کراچی : پی آئی اے اپنے منافع بخش خلیجی روٹس پر ترکش ائیر لائن کے مسافروں کو لے کر جائے گی، اے آر وائی نیوز نے مارچ 2018 تک کوڈ شیئرنگ کے لئے سی اے اے کی منظوری کا خط حاصل کر لیا۔

ذرائع سے ملنے والی تفصیلات کے مطابق پاکستان کے 3 بڑے شہروں سے3خلیجی ممالک کی ہفتہ وار86 پی آئی اے پروازوں پر مسافرجائیں گے۔

جواب میں ترکش ائیر 3 شہروں کے لئے استنبول سے 42 دو طرفہ پروازوں پر مسافر لے جائے گی، پی آئی اے کی کراچی، اسلام آباد سے مسقط، دبئی اور ابوظہبی کی پروازوں پر ترکش ائر کے لئے مبینہ کوٹہ ہوگا۔

ذرائع کا کہنا ہے کہ مذکورہ سیکٹرز پر قومی ائیرلائن کے پاس اپنے مسافروں کے لئے بھی گنجائش کم ہو تی ہے، ترکش ائیر پی آئی اے کے مسافروں کو استنبول سے اگلے سیکٹرز کے لئے بھی بک کرے گی۔

ترکش ائیرحال ہی میں پی آئی اے کے نیو یارک کی بند پروازوں کے مسافروں کو بھی بک کرے گی، ذرائع نے بتایا ہے کہ پی آئی اے کی پورپ پروازوں کے مسافروں کی براہ راست بکنگ قومی ائرلائن کا اضافی مالی نقصان ہو گا۔

یاد رہے کہ چھ سال قبل اس طرح کے کئی مبینہ معاہدے پر کئی روز ہڑتال کے بعد ایم ڈی کو مستعفی ہو نا پڑا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top