پی آئی اے بوئنگ 737-800 طیارے استعمال کرنے والی پہلی پاکستانی ائرلائن بن گئی -
The news is by your side.

Advertisement

پی آئی اے بوئنگ 737-800 طیارے استعمال کرنے والی پہلی پاکستانی ائرلائن بن گئی

کراچی: پی آئی اے نے ترکی کی ایک کمپنی سے ویٹ لیز پر حاصل کردہ دوبوئنگ737-800 طیاروں کو آج سے اپنے فضائی آپریشن میں شامل کر دیا۔ اس وقت کوئی دوسری پاکستانی ائر لائن یہ طیارے استعمال نہیں کر رہی۔

یہ طیارے تین ماہ کیلئے ویٹ لیز پر حاصل کئے گئے ہیں اور اسی طرح کے دو اور طیارے اگلے چند ہفتوں میں پی آئی اے کے فضائی بیڑے میں شامل ہو جائیں گے۔

ان طیاروں کے حصول کا فیصلہ پچھلے سال کے آخر میں اپنی مدت پوری کرنے والے4 ائر بسA-310 طیاروں کے گراؤنڈ ہونے کے بعدطیاروں کی کمی پوری کرنے کیلئے کیا گیا ہے۔ ان مکمل اکانومی کلاس طیاروں میں189 مسافروں کے سفر کرنے کی گنجائش ہے۔

یہ دونوں طیارے آج 6 پروازوں کیلئے استعمال ہو رہے ہیں جن میں کراچی سے لاہور کی دوطرفہ پروازیں PK-316, PK-317, PK-306, PK-307 اورکراچی سے ملتان اور اسلام آباد کی پروازPK-380 اور اسلام آباد سے کراچی کی پروازPK-319 شامل ہیں۔

پی آئی اے نے مسافروں کے لیے انٹرنیٹ سروس متعارف کرادی

واضح رہے کہ قومی ائیرلائن نےاپنی چند بہترین اندرون ملک پروازوں پرمسافروں کے لیے انٹرنیٹ کی سہولت متعارف کرائی ہے۔ اس سسٹم کو مسافر اپنے موبائل فون‘ ٹیبلٹس اور لیپ ٹاپ سے منسلک کر کے اپنی پسند کا انٹرٹینمنٹ مواد دیکھ اورسن سکیں گے۔

Comments

comments

یہ بھی پڑھیں