The news is by your side.

Advertisement

لاہورہائیکورٹ : پی آئی اے میں خواتین پائلٹس کے کوٹہ پرعملدرآمد کا حکم

لاہور : عدالت نے پی آئی اے میں خواتین پائلٹس کے دس فیصد کوٹہ پر عمل درآمد کرنے کا حکم دیتے ہوئے ریمارکس میں کہا ہے کہ ائیر فورس میں بھی خواتین پائلٹ جنگی جہاز اڑا رہی ہیں تو پی آئی اے میں کیوں اڑا سکتیں۔

تفصیلات کے مطابق لاہور ہائی کورٹ میں شہری کومل ظفر کی درخواست کی سماعت جسٹس محمد فرخ عرفان خان نے کی، درخواست گزار کا کہنا تھا کہ پی آئی اے میں خواتین کا کوٹہ مختص ہے مگر اس پر عمل درآمد نہیں کیا جاتا ۔

درخواست گزار کا مؤقف تھا کہ پی آئی اے پائلٹس کے لیے قوانین کو نظر انداز کر کے خواتین کو بھرتی نہیں کیا جارہا جو کہ ادارے کی پالیسی کی سنگین خلاف ورزی ہے۔

انہوں نے استدعا کی کہ عدالت پالیسی کے مطابق خواتین کی مخصوص نشستوں پر بھرتیوں کا عمل مکمل کرنے کے احکامات صادر کرے،۔

عدالتی حکم کے باوجود پی آئی اے کے ریکروٹمنٹ منیجر عدالت میں پیش ہوئے، پی آئی اے عہدیدار کا کہنا تھا کہ جہاز اڑانا حساس معاملہ ہے، اس لیے میرٹ پر سختی سے عمل کیا جاتا ہے۔

عدالت نے قرار دیا کہ  خواتین ملک کی آبادی کا آدھا حصہ ہیں، جب خواتین جنگی جہاز اڑا سکتی ہیں تو کمرشل کیوں نہیں؟ عدالت نے حکم دیا کہ خواتین کے دس فیصد کوٹے پر عمل درآمد کرتے ہوئے انہیں پائلٹ بھرتی کیا جائے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں