The news is by your side.

پی آئی اے کا مسافروں کی سہولت کیلئے اہم فیصلہ

کراچی: قومی انٹرنیشنل ائیرلائن (پی آئی اے) نے مسافروں کو دوران پرواز سہولت فراہم کرنے کیلئے جدید پورٹیبل ان فلائٹ سسٹم پر مبنی وائی فائی ڈیوائسز کی خریداری کا فیصلہ کیا ہے۔

قومی ائیرلائن کے ترجمان نے بتایا کہ جدید پورٹیبل ان فلائٹ سسٹم پر مبنی وائی فائی ڈیوائسز خریدنے کا فیصلہ کیا ہے، ڈیوائسز 10 بوئنگ 777، 14 ائر بس 320 طیاروں میں مسافروں کی تفریح کے لئے خریدی جائیں گی۔

انہوں نے کہا کہ وائرلیس اسٹریمنگ آئی ایف ای وائی فائی ڈیوائسز کی خریداری کا اشتہار چند روز میں دیا جائے گا، جس کے ذریعے بین الاقوامی کمپنیوں سے ڈیوائسز فراہمی کے لئے پیشکشیں طلب کی جائیں گی۔

ترجمان نے کہا کہ مستقل آئی ایف ای سسٹم کی لاگت فی جہاز 8 سے 9 ملین ہونے کے باعث پورٹیبل سسٹم خریداری کا فیصلہ کیا گیا ہے، ڈیوائسز پر موجود کنٹینٹ سے استفادے کے لئے مسافروں کو وائی فائی کوڈ فراہم کیا جائے گا۔

ترجمان نے بتایا کہ پی آئی اے طیاروں میں موجودہ ان فلائٹ سسٹم پرانا ہوچکا ہے جس کے حوالے سے مسافر شکایت کرتے نظر آتے ہیں۔

Comments

یہ بھی پڑھیں