The news is by your side.

نواز شریف کی اٹلی کے شہر میلان کے کیفے میں بیٹھے تصویر سامنے آگئی

اٹلی : سابق وزیراعظم نوازشریف کی اٹلی کے شہر میلان کے کیفے میں بیٹھے تصویر سامنے آگئی۔

تفصیلات کے مطابق سابق وزیراعظم نوازشریف کی اٹلی کے شہر میلان سے تصویر سامنے آگئی، تصویر میں نواز شریف ایک کیفے میں بیٹھے ہیں حسین نواز بھی نواز شریف کے ہمراہ موجود ہیں۔

مریم نواز بھی نواز شریف کے ہمراہ یورپ کے دورے پر ہیں تاہم وہ تصویر میں نہیں دکھائی دی۔

یاد رہے 21 نومبر کو قائد مسلم لیگ (ن) نواز شریف اپنی بیٹی مریم نواز اور فیملی کے ہمراہ یورپ روانہ ہوئے تھے، نواز شریف کا لندن میں تین سالہ قیام کے دوران برطانیہ سے پہلا انٹرنیشنل سفر ہے۔

ذرائع کا کہنا تھا کہ نوازشریف اور مریم یورپ کے مختلف ممالک میں جائیں گے وہ ایک ہفتے یورپ میں قیام کریں گے۔

Comments

یہ بھی پڑھیں