The news is by your side.

Advertisement

کراچی میں کچرے کے ڈھیر ہوائی جہازوں کے لئے خطرے کی علامت بن گئے

کراچی : ایئرپورٹ کے اطراف کے علاقوں میں کچرے اور گندگی کی وجہ سے پرندوں کی آمد کا سلسلہ شروع ہوگیا، کراچی ایئرپورٹ پر اندرون و بیرون ملک سے آنے والی پروازوں کے طیاروں کو پرندوں سے خطرات لاحق ہوگئے۔

اس حوالے سے ذرائع کا کہنا ہے کہ سی اے اے کے شعبہ تحفظات اور ماحولیات نے ایئرپورٹ کے اطراف گندگی پر تحفظات کا اظہار کردیا، گندگی کے ڈھیر کی وجہ سے کراچی ایئرپورٹ پر طیاروں کی لینڈنگ اور ٹیک آف پر پرندوں کی آمد کی وجہ سے خطرے کا سبب بن سکتی ہیں۔

ذرائع کے مطابق شعبہ انوائرمنٹل کنٹرول آفیسر کا بلدیاتی اداروں سے مسلسل رابطہ ہے، ایئرپورٹ کے اطراف اور شہر کے بعض مقامات پر گندگی کے ڈھیر سے جہازوں کو نقصان پہنچ سکتا ہے۔

انوائرمنٹل کنٹرول آفیسر کا کہنا ہے کہ گندگی کی وجہ سے پرندوں کی آمد کا سلسلہ شروع ہوچکا ہے جس سے جہازوں سے پرندے ٹکرانے کے واقعات رونما ہوسکتے ہیں۔

سی اے اے نے کراچی کی انتظامیہ سے رابطہ کیا ہے، سول ایوی ایشن اتھارٹی دو اگست کو صفائی ستھرائی کے حوالے سے بھی ضلعی انتظامیہ کو خط لکھ چکی ہے۔

مزید پڑھیں : متعلقہ ادارے سوتے رہے، شہر قائد گندگی و غلاظت کے ڈھیر میں تبدیل

جہازوں کو پرندوں سے بچانے اور فضائی سفر کو محفوظ بنانے کیلئے ادارے اپنا کردار ادا کریں جبکہ سی اے اے کی جانب سے کراچی لاہور پشاور سمیت دیگر ائیرپورٹ پر آگہی مہم بھی شروع کی گئی ہے۔

Comments

comments

یہ بھی پڑھیں