The news is by your side.

Advertisement

ڈبل سواری، ہوائی فائرنگ اور آتش بازی پر پابندی عائد

کراچی: سندھ حکومت نے نئے سال کے موقع پر سیکورٹی اقدامات کے تحت کراچی سمیت صوبے بھر میں موٹر سائیکل کی ڈبل سواری پر پابندی عائد کر دی۔

تفصیلات کے مطابق سندھ حکومت نے نئے سال کی آمد پر ہوائی فائرنگ اور آتش بازی پر پابندی لگا دی، سیکورٹی اقدامات کے تحت 31دسمبر کی رات 12 سے یکم جنوری 2020 کی دوپہر 12 بجے تک ڈبل سواری پر بھی پابندی عائد رہے گی۔

صوبائی حکومت نے پابندیوں سے متعلق نوٹیفکیشن جاری کردیا ہے جس کے تحت خلاف ورزی کرنے والوں کے خلاف سختی سے نمٹنے کی ہدایات دی گئی ہیں۔

دوسری جانب پولیس نے 31 دسمبر کی رات ہلہ گلہ کرنے والے منچلوں اور سڑکوں پر بغیر سلنسر موٹرسائیکل چلانے والوں کے خلاف حکمت عملی تیار کر لی ہے۔

پولیس نے کسی بھی ناخوشگوار واقعے سے نٹمنے کے لیے عوامی مقامات پر اضافی اہلکاروں کی ڈیوٹیاں لگائی ہیں اور جگہ جگہ اسنیپ چیکنگ بھی شروع کر دی ہے۔

Comments

یہ بھی پڑھیں