کراچی/حیدرآباد: سندھ حکومت نے یوم علیؓ کے موقع پر سیکیورٹی خدشات کے پیش نظر کراچی اور حیدرآباد میں ڈبل سواری پر پابندی عائد کردی، پابندی کا اطلاق کل رات 12 بجے سے ہوگا۔
تفصیلات کے مطابق 21 رمضان المبارک میں یوم علیؓ میں امن و امان کی صورتحال برقرار رکھنے کے لیے وزارت داخلہ سندھ نے موٹر سائیکل کی ڈبل سواری پر پابندی عائد کردی ہے، پابندی کا نوٹیفکیشن جاری کردیا گیا۔
[bs-quote quote=”بزرگوں، خواتین اور بچوں کو پابندی سے مستثنیٰ قرار دیا گیا ہے، کل رات 12 بجے سے جلوس کے راستوں کو کنٹینر لگا کر سیل کردیا جائے گا۔
” style=”style-2″ align=”left”][/bs-quote]
بزرگوں، خواتین اور بچوں کو پابندی سے مستثنیٰ قرار دیا گیا ہے، کل رات 12 بجے سے جلوس کے راستوں کو کنٹینر لگا کر سیل کردیا جائے گا۔
یوم علیؓ پر ڈبل سواری پر پابندی کے لیے کراچی اور حیدرآباد پولیس حکام کی جانب سے محکمہ داخلہ سندھ کی جانب سے درخواست ارسال کی گئی تھی جس کے بعد پابندی کا نوٹیفکیشن جاری کیا گیا، سیکیورٹی خدشات کے پیش نظر جلوس کے راستوں پر رینجرز اور پولیس کی بھاری نفری تعینات کی جائے گی۔