سندھ حکومت نے صوبے میں سیکورٹی صورتحال کے پیش نظر موٹر سائیکل کی ڈبل سواری پر پابندی عائد کر دی۔
تحریک انصاف کے اسلام آباد کی جانب حقیقی لانگ مارچ کے اعلان پر کراچی سمیت سندھ بھر میں امن و امان کو برقرار رکھنے اور سیکورٹی صورتحال کو کنٹرول میں رکھنے کے لیے صوبائی حکومت نے موٹرسائیکل کی ڈبل سواری پر ایک ماہ کے لیے پابندی لگا دی ہے۔
محکمہ داخلہ سندھ نے پابندی کے احکامات جاری کر دیے ہیں۔ موٹرسائیکل کی ڈبل سواری پر پابندی کا اطلاق خواتین، بچوں، صحافیوں اور بزرگ شہریوں پر نہیں ہوگا۔
