The news is by your side.

Advertisement

وفاقی دارالحکومت پر چھائے کورونا وائرس کے بادل چھٹنے لگے

اسلام آباد : وفاقی دارالحکومت پرچھائے کورونا وائرس کےبادل چھٹنے لگے، پمز اسپتال ملازمین کے لیے 3 ماہ بعد بائیو میٹرک حاضری کا آغاز کر دیا گیا۔

تفصیلات کے مطابق وفاقی دارالحکومت پرچھائے کورونا وائرس کےبادل چھٹنے لگے، وفاقی اسپتالوں میں بائیو میٹرک حاضری کا سلسلہ بحال ہونا شروع ہوگیا ، پمز اسپتال انتظامیہ کی جانب سے ملازمین کے نام مراسلہ جاری کیا گیا ہے۔

مراسلے میں پمز اسپتال ملازمین کے لیے 3 ماہ بعد بائیو میٹرک حاضری کا آغاز کر دیا گیا اور ڈاکٹروں، نرسوں اور دیگرعملے کے لیے بائیومیٹرک حاضری پھر لازمی قرار دی گئی ہے۔

یاد رہے کورونا صورتحال میں نمایاں بہتری کے بعد وفاقی حکومت کا سرکاری دفاتر کے اوقات کار معمول پر لانے کا فیصلہ کیا تھا، اس حوالے سے اسٹیبلشمنٹ ڈویژن سےسرکاری دفاتر کے اوقات کار کا نوٹی فکیشن جاری کردیا تھا۔

نوٹی فکیشن کے مطابق عیدالاضحیٰ کے بعد سرکاری دفاترکےاوقات کارصبح 9تا شام 5بجےہوں گے۔

خیال رہے پاکستان میں کورونا کیسز اور اموات میں کمی کا سلسلہ جاری ہے ، نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گزشتہ چوبیس گھنٹے میں ملک بھر میں پندرہ افراد لقمہ اجل بنے، جس کے بعد مہلک وائرس سے اب تک پانچ ہزار نو سو ننانوے افراد جاں بحق ہوچکے ہیں جبکہ دو لاکھ انچاس ہزار تین سو ستانوے افراد کورونا سے صحتیاب ہوچکے ہیں۔

Comments

یہ بھی پڑھیں